ഉദ്‌ഘാടന പിറ്റേന്ന്‌ കുടിവെള്ള വിതരണം മുടങ്ങി

Story Dated: Tuesday, March 3, 2015 05:28

തൊളിക്കോട്‌: ഉദ്‌ഘാടനത്തിന്റെ പിറ്റേന്നു മുതല്‍ കുടിവെള്ള വിതരണം മുടങ്ങിയത്‌ നിര്‍മ്മാണത്തിലെ കരാര്‍ ലംഘനമാണെന്നും കരാറുകാരനെതിരെ വഞ്ചനാകുറ്റം ചുമത്തണമന്നും ബി.ജെ.പി. ആവശ്യപ്പെട്ടു. തൊളിക്കോട്‌ പഞ്ചായത്തില്‍ മലയടിപാട്ടവിളക്കുന്നില്‍ സ്‌ഥാപിച്ച കുടിവെള്ള പദ്ധതിയിലാണ്‌ കരാറുകാരന്‍ ക്രമക്കേടു നടത്തിയതായി ആരോപണം ഉയര്‍ന്നിരിക്കുന്നത്‌. രണ്ടാഴ്‌ച മുമ്പാണ്‌ കുടിവെള്ള പദ്ധതിയുടെ ഉദ്‌ഘാടനം നടന്നത്‌. അന്ന്‌ ജലവിതരണം സുഗമമായി നടന്നെങ്കിലും പിറ്റേന്നു മുതല്‍ വിതരണം മുടങ്ങുകയായിരുന്നു.

പ്രകോപിതരായ നാട്ടുകാര്‍ പ്രതിഷേധിച്ചപ്പോള്‍ ബി.ജെ.പി. തൊളിക്കോട്ട്‌ പഞ്ചായത്തുസമിതി പ്രശ്‌നം ഏറ്റെടുക്കുകയും കരാറുകാരനെതിരെ രംഗത്തു വരികയും ചെയ്‌തു. ബന്ധപ്പെട്ട ഉദ്യോഗസ്‌ഥരോട്‌ പരാതിപ്പെട്ടപ്പോള്‍ മറുപടിയില്ലെന്നും കരാറുകാരനെ സമീപിച്ചപ്പോള്‍ അനുവദിച്ച തുകക്കുള്ള പണി ചെയ്‌തു കഴിഞ്ഞെന്നു പറഞ്ഞതായും നാട്ടുകാര്‍ അറിയിച്ചു.

കുടിവെള്ള വിതരണത്തിനായി നിര്‍മ്മിച്ച കിണറില്‍ ജലം ആവശ്യത്തിന്‌ ലഭിക്കാത്തതാണ്‌ വിതരണം മുടങ്ങാന്‍ കാരണമെന്ന്‌ ബി.ജെ.പി. ചൂണ്ടിക്കാട്ടുന്നു. കുടിവെള്ള വിതരണം പുന:സ്‌ഥാപിക്കാന്‍ അധികൃതര്‍ കാലതാമസം വരുത്തിയാല്‍ നാട്ടുകാരെ അണിനിരത്തി പ്രത്യക്ഷസമരത്തിന്‌ ബി.ജെ.പി. മുന്നിട്ടിറങ്ങുമെന്ന്‌ സമിതി പ്രസിഡന്റ്‌ വിനോബ ജയനും സെക്രട്ടറി വേണുഗോപാലും പറഞ്ഞു.

from kerala news edited

via IFTTT