Story Dated: Tuesday, March 3, 2015 05:25
മാവേലിക്കര: റെയില്‍വെ സ്‌റ്റേഷന്‍-കൊച്ചുപറമ്പ്‌ ജംഗ്‌ഷന്‍ റോഡില്‍ ബൈക്ക്‌ ഉപേക്ഷിച്ച നിലയില്‍ കണ്ടെത്തി. പോലീസില്‍ അറിയിച്ചിട്ടും നടപടികള്‍ സ്വീകരിച്ചില്ലെന്ന്‌ നാട്ടുകാര്‍ പറഞ്ഞു. കെ.എല്‍ 27എ 5768 നമ്പരിലുള്ള ഹീറോ ഹോണ്ട സ്‌പ്ലെന്‍ഡര്‍ ബൈക്കാണ്‌ ഒരാഴ്‌ചയിലധികമായി റോഡിലുള്ള സ്വകാര്യ സ്‌കൂളിനു സമീപം ആള്‍താമസമില്ലാത്ത വീടിന്റെ തകര്‍ന്ന മതിലിനുള്ളിലൂടെ പുരയിടത്തിലേക്ക്‌ കയറ്റിവച്ചിരിക്കുന്നത്‌. ബൈക്കിന്റെ ഹാന്‍ഡിലില്‍ ഹെല്‍മറ്റ്‌ തൂക്കിയിട്ടിട്ടുണ്ട്‌. മോഷ്‌ടിച്ച ശേഷം ഉപേക്ഷിച്ചതാണെങ്കില്‍ പോലും ഉടമസ്‌ഥര്‍ പോലീസില്‍ പരാതി നല്‍കാത്തത്‌ സംഭവത്തില്‍ ദുരൂഹതയുണര്‍ത്തുന്നതായി നാട്ടുകാര്‍ പറയുന്നു.
from kerala news edited
via IFTTT
