Story Dated: Tuesday, March 3, 2015 01:59
ആലത്തൂര്‍: ഡി.വൈ.എഫ്‌.ഐ പ്രവര്‍ത്തകരെ വെട്ടികൊലപ്പെടുത്താന്‍ ശ്രമിച്ച കേസിലെ പ്രതികള്‍ അറസ്‌റ്റില്‍. ആര്‍.എസ്‌.എസ്‌ പ്രവര്‍ത്തകരായ എരിമയൂര്‍ മണിയില്‍ പറമ്പ്‌ സന്തോഷ്‌, ബിജു, വിനോദ്‌, ചുള്ളിമട രാജുമോന്‍ എന്നിവരെയാണ്‌ ഞായറാഴ്‌ച ഉച്ചയ്‌ക്ക് രണ്ടുമണിയോടുകൂടി കുനിശേരി പന്നിക്കോടുനിന്നും ആലത്തൂര്‍ സി.ഐ കൃഷ്‌ണന്റെ നേതൃത്വത്തില്‍ പിടികൂടിയത്‌. കഴിഞ്ഞ ഫെബ്രുവരി 20ന്‌ എരിമയൂര്‍ മണിയില്‍ പറമ്പില്‍വച്ച്‌ ഡി.വൈ.എഫ്‌.ഐ പ്രവര്‍ത്തകരായ മണിയില്‍ പറമ്പ്‌ കലാധരന്‍, സിലാജ്‌, ഷമീര്‍ എന്നിവരെ വെട്ടികൊലപ്പെടുത്താന്‍ ശ്രമിച്ചതായാണ്‌ കേസ്‌. ആലത്തൂര്‍ കോടതിയില്‍ ഹാജരാക്കിയ പ്രതികളെ റിമാന്‍ഡു ചെയ്‌തു.
from kerala news edited
via IFTTT
