Story Dated: Saturday, March 21, 2015 03:22
മലപ്പുറം: മലപ്പുറം ജില്ലാ പഞ്ചായത്തും മലപ്പുറം ജില്ലാ കുടുംബശ്രീ മിഷനുമായി സഹകരിച്ചു മംഗളം ദിനപത്രത്തിന്റെ നേതൃത്വത്തില്‍ നടത്തുന്ന 'മലപ്പുറവും വനിതാ മുന്നേറ്റവും' മംഗളം-പുഞ്ച സെമിനാര്‍ നാളെ ഉച്ചയ്‌ക്കു 2.30നു വിദ്യാഭ്യാസ വകുപ്പ്‌മന്ത്രി പി.കെ അബ്‌ദുറബ്ബ്‌ ഉദ്‌ഘാടനം ചെയ്യും.
മലപ്പുറം മുന്‍സിപ്പല്‍ ബസ്‌റ്റാന്‍ഡ്‌ ഓഡിറ്റോറിയത്തില്‍ നടക്കുന്ന ചടങ്ങില്‍ മലപ്പുറം ജില്ലയില്‍ നിന്നും വിവിധമേഖലകളില്‍ മുന്നേറിയ ആറുവനിതകളേയും മികച്ച കുടുംബശ്രീ പ്രവര്‍ത്തനത്തിനു സംസ്‌ഥാന സര്‍ക്കാറിന്റെ അഭിനന്ദനം ഏറ്റുവാങ്ങിയ ജില്ലയിലെ ആറു സി.ഡി.എസുകള്‍ക്കും മംഗളം ഉപഹാരം സമ്മാനിക്കും. മംഗളം ചീഫ്‌ എഡറ്റര്‍ സാബുവര്‍ഗീസ്‌ ആമുഖ പ്രഭാഷണവും മംഗളം സി.ഇ.ഒ: ആര്‍. അജിത്ത്‌കുമാര്‍ സ്വാഗതം പറയുന്ന ചടങ്ങില്‍ ജില്ലാ പഞ്ചായത്ത്‌ പ്രസിഡന്റ്‌ സുഹ്‌റ മമ്പാട്‌ അധ്യക്ഷത വഹിക്കും.
മലപ്പുറം ജില്ലാ പോലീസ്‌ മേധാവി ദേബേഷ്‌കുമാര്‍ ബഹ്‌റ, എം.എസ്‌.പി കമാന്‍ഡന്റ്‌ ഉമാബഹറ, മലപ്പുറം നഗരസഭാ ചെയര്‍മാന്‍ കെ.പി മുഹമ്മദ്‌ മുസ്‌തഫ, കുടുംബശ്രീ മിഷന്‍ ജില്ലാ കോര്‍ഡിനേറ്റര്‍ കെ. മുഹമ്മദ്‌ ഇസ്‌മായീല്‍, മലപ്പുറം ജില്ലാപഞ്ചായത്ത്‌ തണല്‍കൂട്ട്‌ ചെയര്‍മാന്‍ ഉമ്മര്‍ അറക്കല്‍, നാടക-ചലച്ചിത്രനടി നിലമ്പൂര്‍ ആയിഷ, കേരളാ മഹിളാ സമഖ്യ മലപ്പുറം ജില്ലാ കോര്‍ഡിനേറ്റര്‍ പി റജുല, സോഷ്യല്‍ വെല്‍ഫെയര്‍ബോര്‍ഡ്‌ ചെയര്‍പേഴ്‌സണ്‍ ഖമറുന്നീസ അന്‍വര്‍, മജീഷ്യന്‍ ആര്‍.കെ മലയത്ത്‌ തുടങ്ങിയവര്‍ ചടങ്ങില്‍ പങ്കെടുക്കും. മികച്ച കുടുംബശ്രീ പ്രവര്‍ത്തനത്തിനു മുഖ്യമന്ത്രിയുടെ അവാര്‍ഡുനേടിയ മലപ്പുറം ജില്ലയിലെ തെന്നല സി.ഡി.എസ്‌, ആലങ്കോട്‌ സി.ഡി.എസ്‌, താനൂര്‍ സി.ഡി.എസ്‌, വഴിക്കടവ്‌ സി.ഡി.എസ്‌,വണ്ടൂര്‍ സി.ഡി.എസ്‌, മലപ്പുറം സി.ഡി.എസ്‌ എന്നിവര്‍ക്കു മംഗളം ഉപഹാരം സമ്മാനിക്കും. മികച്ച ബിസ്സിനസ്സ്‌ വ്യാസായായി പുഞ്ചറൈസ്‌ പൗഡര്‍ മാനേജിംഗ്‌ ഡയറക്‌ടര്‍ കെ.ടി അബൂബക്കറിനെ ചടങ്ങില്‍ ആദരിക്കും. തുടര്‍ന്നു നടക്കുന്ന മലപ്പുറവും വനിതാ മുന്നേറ്റവും സെമിനാറിനു അഡ്വ. സുജാത വര്‍മ നേതൃത്വം നല്‍കും. മംഗളം മലപ്പുറം ബ്യൂറോ ഇന്‍ചാര്‍ജ്‌ വി.പി നിസാര്‍ നന്ദിപറയും.
from kerala news edited
via IFTTT
