യുക്മ വെയില്‍സ് റീജിയന്‍ തിരഞ്ഞെടുപ്പിന് അംഗീകാരം
Posted on: 21 Mar 2015
സ്വാന്‍സി: യുക്മ വെയില്‍സ് റീജിയണല്‍ ഭാരവാഹികളുടെ ലിസ്റ്റ് ഫൈനലൈസ് ചെയ്യുന്നതിനും റീജിയന്റെ ഭാവി പ്രവര്‍ത്തനങ്ങള്‍ക്ക് രൂപരേഖ കൊടുക്കാനുമായി സ്വാന്‍സിയില്‍ ചേര്‍ന്ന റീജിയണല്‍ ജനറല്‍ ബോഡി യോഗം യുക്മ വെയില്‍സ് റീജിയന്റെ ഭാരവാഹികളുടെ ലിസ്റ്റ് ചര്‍ച്ച ചെയ്ത് അംഗീകരിക്കുകയും, റീജിയണല്‍ കായികമേള, കലാമേള തുടങ്ങിയ കാര്യങ്ങള്‍ക്കുള്ള വേദികളും തീയതികളും നിശ്ചയിക്കുകയും ചെയ്തു. വെയില്‍സ് റീജിയന്റെ കഴിഞ്ഞ ജനറല്‍ ബോഡി യോഗത്തില്‍ ഭാരവാഹികളുടെ തിരഞ്ഞെടുപ്പ് നടന്നിരുന്നുവെങ്കിലും ചില അംഗങ്ങള്‍ ആക്ഷേപം ഉന്നയിച്ചതിനെ തുടര്‍ന്ന് എല്ലാ അംഗങ്ങളുമായും ചര്‍ച്ച ചെയ്തതിനു ശേഷം ഭാരവാഹികളെ പ്രഖ്യാപിച്ചാല്‍ മതിയെന്ന് നാഷണല്‍ പ്രസിഡന്റ് ഫ്രാന്‍സിസ് മാത്യു അറിയിക്കുകയായിരുന്നു. തുടര്‍ന്ന് ഇതിനായി യുക്മ നാഷണല്‍ ജോയിന്റ് സെക്രട്ടറി ബിജു തോമസ് പന്നിവേലിനെ നാഷണല്‍ കമ്മറ്റി ചുമതലപ്പെടുത്തുകയായിരുന്നു.
യുക്മ നാഷണല്‍ കലാമേളയ്ക്കും കായികമേളയ്ക്കും മുന്നോടിയായി റീജിയണല്‍ തലത്തില്‍ നടത്തേണ്ട കലാമേളയുടെയും കായികമേളയുടെയും തീയതികളും പൊതുയോഗം ചര്‍ച്ച ചെയ്തു തീരുമാനിച്ചു. ഇതനുസരിച്ച് വെയില്‍സ് റീജിയണല്‍ കായികമേള ജൂണ്‍ 13 ന് സ്വാന്‍സിയില്‍ വച്ചും, കലാമേള ഒക്ടോബര്‍ 24 ന് കാര്‍ഡിഫില്‍ വച്ചും നടത്തുന്നതിനും തീരുമാനിച്ചു.
വാര്‍ത്ത അയച്ചത് : ബിജു തോമസ്
from kerala news edited
via IFTTT
