Story Dated: Saturday, March 21, 2015 07:09
ബിജ്‌നോര്‍: മുസ്ലീങ്ങള്‍ക്ക്‌ ചീത്തപ്പേര്‌ ഉണ്ടാക്കുന്നതും ഇസ്ലാമിന്റെ ചിത്രം തീവ്രവാദത്തിലേക്ക്‌ വലിച്ചിഴയ്‌ക്കുന്നതും മുസ്ലീങ്ങള്‍ തന്നെയെന്ന്‌ ജമിയത്ത്‌ ഉലേമാ-ഇ- ഹിന്ദ്‌ ജനറല്‍ സെക്രട്ടറി മൗലാനാ മെഹമൂദ്‌ മദനി. സമുദായത്തില്‍ വിദ്യാഭ്യാസത്തിന്റെ പ്രാധാന്യം വര്‍ധിപ്പിച്ച്‌ ഈ സാഹചര്യത്തിന്‌ മാറ്റം വരുത്തണമെന്നും അദ്ദേഹം ആവശ്യപ്പെട്ടു.
അടുത്ത ഇരുപതു വര്‍ഷങ്ങള്‍ മുസ്ലീം ജനത വിദ്യാഭ്യാസം നേടുന്നതിനും വിദ്യാഭ്യാസം പകര്‍ന്നു നല്‍കുന്നതിനും പ്രധാന്യം കൊടുക്കുകയും മോശമായ കാര്യങ്ങളില്‍ ഇടപെടാതെയുമിരുന്നാല്‍ മുസ്ലീങ്ങളെ വെറുക്കുന്നവര്‍ നമ്മെ സ്‌നേഹിക്കുന്നതിന്‌ നിര്‍ബന്ധിതരാകുമെന്നും അദ്ദേഹം പറഞ്ഞു. കിര്‍താമ്പൂരിലെ ഒരു ചടങ്ങില്‍ സംസാരിക്കുകയായിരുന്നു മദനി.
from kerala news edited
via IFTTT
