കാനിങ് റോഡ് കേരള സ്‌കൂള്‍ ഒത്തുതീര്‍പ്പ് ചര്‍ച്ച ഫലം കണ്ടില്ല
Posted on: 28 Mar 2015
ന്യൂഡല്‍ഹി: കാനിങ് റോഡ് കേരള സ്‌കൂളിലെ പ്രവേശനത്തിലെ പ്രശ്‌നങ്ങള്‍ പരിഹരിഹരിക്കാനായി സേവ് കേരള സ്‌കൂള്‍ ആക്ഷന്‍ കൗണ്‍സിലും സ്‌കൂള്‍ അധികൃതരുമായി നടത്തിയ അനുരഞ്ജന ചര്‍ച്ച ഫലം കണ്ടില്ല. തിലക് നഗര്‍ എസ്.എച്ച്.ഒവിന്റെ നേതൃത്വത്തില്‍ നടത്തിയ ചര്‍ച്ചയില്‍ ഇരുവിഭാഗവും വിട്ടുവീഴ്ചയ്ക്ക് തയാറായില്ല. വ്യാഴാഴ്ച സ്‌കൂള്‍ അധികൃതരെ തടഞ്ഞുവെച്ചതുമായി ബന്ധപ്പെട്ട് ഭരണസമിതി പരാതി നല്‍കിയിട്ടുണ്ട്. ജന്തര്‍ മന്ദറില്‍ ആക്ഷന്‍ കൗണ്‍സില്‍ നടത്തുന്ന സമരം പിന്‍വലിച്ചാല്‍ കേസെടുക്കാതിരിക്കാമെന്ന് എസ്.എച്ച്.ഒ. അറിയിച്ചു. ഇത് അംഗീകരിക്കാന്‍ സമരസമിതിക്കുവേണ്ടി പങ്കെടുത്ത സി. പ്രതാപന്‍ പറഞ്ഞു. ഇതോടെ ചര്‍ച്ച തീരുമാനമാകാതെ പിരിഞ്ഞു. ജന്തര്‍മന്ദറില്‍ നടത്തുന്ന സമരം പതിനൊന്നാം ദിവസത്തിലേക്ക് കടന്നു.
ഡല്‍ഹിയില്‍ പുകയില അടങ്ങിയ പാന്‍മസാലയ്ക്ക് നിരോധനം
ന്യൂഡല്‍ഹി: സംസ്ഥാനത്ത് പാന്‍ മസാല ഉള്‍പ്പെടെ ചവയ്ക്കുന്ന പുകയില ഉത്പന്നങ്ങള്‍ നിരോധിച്ചു. ഗുട്ക, ഖൈനി, സര്‍ദ എന്നിവയുള്‍പ്പെടെ എല്ലാ ഉത്പന്നങ്ങളും വില്‍ക്കുന്നതും വാങ്ങുന്നതും നിരോധിക്കും. തിങ്കളാഴ്ച നിരോധനം പ്രാബല്യത്തില്‍ വരും. ഇതുമായി ബന്ധപ്പെട്ട് ഡല്‍ഹി പോലീസും ആരോഗ്യവകുപ്പും മിന്നല്‍ പരിശോധനകള്‍ നടത്തും. ഇതിനായി സംഘങ്ങളെ നിയോഗിച്ചിട്ടുണ്ടെന്ന് ആരോഗ്യമന്ത്രി സത്യേന്ദ്ര ജെയിന്‍ പറഞ്ഞു. സിഗററ്റിന് നിരോധനമില്ല.
from kerala news edited
via IFTTT
