തിരുപ്പിറവിക്കൊരുങ്ങി ഐ സി വിയന്ന: വിശുദ്ധ കുര്‍ബാന ഡിസംബര്‍ 25ന് ഉച്ചകഴിഞ്ഞ് 3 മണിക്ക്
Posted on: 24 Dec 2014
വിയന്ന: പ്രത്യാശയുടെയും സ്‌നേഹത്തിന്റെയും സാഹോദര്യത്തിന്റെയും നിറവില്‍ വിയന്ന മലയാളികള്‍ ക്രിസ്മസിന്റെ ആഹ്ലാദത്തില്‍. ഇന്ത്യന്‍ കാത്തലിക്ക് കമ്മ്യൂണിറ്റിയുടെ ക്രിസ്മസ് തിരുകര്‍മ്മങ്ങള്‍ പ്രഖ്യാപിച്ചു. വിയന്ന മലയാളികളുടെ പ്രധാന ദേവാലയമായ മൈഡിലിംഗിലുള്ള മരിയ ലൂര്‍ദ്‌സ് പള്ളിയില്‍ ക്രിസ്മസ് ദിനം ഉച്ചകഴിഞ്ഞ് 3 മണിക്ക് പിറവിത്തിരുന്നാള്‍ തിരുക്കര്‍മ്മങ്ങളും ആഘോഷമായ പാട്ടുകുര്‍ബാനയും നടക്കും.പിറവിത്തിരുന്നാള്‍ തിരുക്കര്‍മ്മങ്ങള്‍ക്ക് ഐ സി സി ചാപ്ലൈന്‍ ഫാ. തോമസ് താണ്ടപ്പിള്ളി മുഖ്യകാര്‍മ്മികത്വം വഹിക്കും. ഫാ. ജോണ്‍സണ്‍ വെട്ടോണിക്കല്‍ സി. എസ്റ്റി. യുടെ കാര്‍മ്മികത്വത്തില്‍ വിശുദ്ധകുര്‍ബാന നടക്കും. ഫാ. ഷൈജു പള്ളിച്ചന്‍കുടിയില്‍ റ്റി. ഒ. ആര്‍ ക്രിസ്മസ് സന്ദേശം നല്കും.
ഡിസംബര്‍ 24ന് വൈകിട്ട് 7 മണിക്ക് മാര്‍ ഇവാനിയോസ് മലങ്കര മിഷന്റെ നേതൃത്വത്തില്‍ മലങ്കര ആരാധനക്രമം അനുസരിച്ചുള്ള തീയുഴലിച്ച ശുശ്രൂഷയും, വിശുദ്ധ കുര്‍ബാനയും, അതിനുശേഷം ക്രിസ്മസ് സമ്മേളനവും സ്‌നേഹവിരുന്നും െ്രെബറ്റന്‍ ഫെല്‍ഡ് ദേവാലയത്തില്‍ ഉണ്ടായിരിക്കുന്നതാണ്.
വാര്‍ത്ത അയച്ചത്: ജോബി ആന്റണി
from kerala news edited
via IFTTT
