Story Dated: Wednesday, December 24, 2014 11:59
മാവേലിക്കര: ആലപ്പുഴ ജില്ലയിലെ മാവേലിക്കരയിലും 'ഘര്‍ വാപ്പസി'. മൂന്ന് മുസ്ലീം കുടുംബങ്ങളിലെ 11 പേരെയാണ് ഹിന്ദു മതത്തിലേക്ക് പരിവര്‍ത്തനം ചെയ്തത്. ബുധനാഴ്ച രാവിലെ കായംകുളം വാരണപ്പള്ളി ഇഴവൂര്‍ യക്ഷിയമ്മ ക്ഷേത്രത്തില്‍ വച്ചായിരുന്നു മതംമാറ്റ ചടങ്ങ്. വി.എച്ച്.പി ചെങ്ങന്നൂര്‍ സംഘ ജില്ലാ പ്രസിഡന്റ് പ്രതാപ് ജി. പടിക്കലിന്റെ നേതൃത്വത്തിലാണ് ചടങ്ങ് സംഘടിപ്പിച്ചത്. കായംകുളം പ്രഖണ്ഡിന്റെ മേല്‍നോട്ടത്തിലായിരുന്നു ചടങ്ങ്.
കഴിഞ്ഞ ഞായറാഴ്ച ആലപ്പുഴയിലും കൊല്ലത്തുമായി ഒമ്പത് കുടുംബങ്ങളെയാണ് മതംമാറ്റിയത്. ഹരിപ്പാട് മുട്ടം കരിപ്പുഴയിലെ എട്ട് ക്രൈസ്തവ കുടുംബങ്ങളിലെ 30പേരെയാണ് ചേപ്പാട് ഏവൂര്‍ വടക്ക് കണിച്ചനെല്ലൂര്‍ പയ്യന്നൂര്‍ ലക്ഷ്മിനാരായണ കുടുംബക്ഷേത്രത്തില്‍ മതംമാറ്റിയത്. കൊല്ലം അഞ്ചലിലാണ് മറ്റൊരു ക്രിസ്ത്യന്‍ കുടുംബത്തെ മതം മാറ്റിയത്.
from kerala news edited
via IFTTT
