മെല്‍ബണില്‍ ക്രിസ്മസ്സ് പുല്‍ക്കൂട് മല്‍സരം
Posted on: 24 Dec 2014
മെല്‍ബണ്‍: സെന്റ് അല്‍ഫോന്‍സാ കത്തീഡ്രല്‍ ഇടവകയുടെ നേതൃത്വത്തില്‍ നടത്തിയ പുല്‍ക്കൂട് മല്‍സരത്തില്‍ സിഡ്‌നം വാര്‍ഡിലെ ശ്രീ റോയി ജോര്‍ജ്ജ് ഒന്നാം സ്ഥാനം നേടി. ബെത്‌ലെഹെമില്‍ ഉണ്ണി ഈശോ പിറന്നുവീണ കാലിതൊഴുത്തും പരിസരവും ബെത്‌ലെഹം പട്ടണവുമെല്ലാം തന്റെ സ്വീകരണമുറിയില്‍ പുനരവതരിപ്പിച്ചാണ് റോയി ജോര്‍ജ്ജ് സമ്മാനര്‍ഹനായത്.മുളയും വൈക്കോലും കൊണ്ട് കെട്ടിയുണ്ടാക്കിയ പുല്‍ക്കൂടും ചരലും വെള്ളാരംകല്ലും ഉപയോഗിച്ച് ചിട്ടപ്പെടുത്തിയ വഴികളും കടലാസുകൊണ്ട് നിര്‍മ്മിച്ച വീടുകളും കിണറും വെള്ളവും വേലിയുമെല്ലാം മനോഹരമായി നിര്‍മിക്കാന്‍ റോയ് ജോര്‍ജ്ജിന് സാധിച്ചു.
റിസര്‍വോയര്‍ വാര്‍ഡിലെ ബിനേഷ് സ്‌കറിയ രണ്ടാം സ്ഥാനവും സൗത്ത് മൊറാങ്ങ് വാര്‍ഡിലെ ജോര്‍ജ്ജ് ആന്റ്ണിയും കരോളിന്‍ സ്പ്രിങ്ങ് വാര്‍ഡിലെ ബെന്നി ജോസഫും മൂന്നാം സ്ഥാനവും നേടി. മെല്‍ബണ്‍ സീറോ മലബാര്‍ കത്തീഡ്രല്‍ ഇടവകയുടെ ആഭിമുഖ്യത്തില്‍ ആദ്യമായി നടന്ന പുല്‍ക്കൂട് മല്‍സരത്തില്‍ വിജയികളായവരെ ഇടവക വികാരി ഫാ. ഫ്രാന്‍സിസ് കോലഞ്ചേരി അഭിനന്ദിച്ചു.
വാര്‍ത്ത അയച്ചത് : പോള്‍ സെബാസ്റ്റ്യന്‍
from kerala news edited
via IFTTT
