Story Dated: Tuesday, December 9, 2014 07:00
വൈക്കം : ജനത്തിരക്കിനിടയില്‍ ജനങ്ങള്‍ക്ക്‌ ബുദ്ധിമുട്ടുണ്ടാക്കുന്ന രീതിയില്‍ വാഹനപരിശോധന പാടില്ലെന്ന ഡി.ജി.പിയുടെ നിര്‍ദ്ദേശം വൈക്കത്ത്‌ അട്ടിമറിക്കപ്പെടുന്നു. സ്‌േറ്റഷനിലെ അഡീ. എസ്‌.ഐയുടെ നേതൃത്വത്തിലാണ്‌ അഷ്‌ടമി ആഘോഷിക്കാനെത്തുന്നവരെ വാഹനങ്ങള്‍ തടഞ്ഞുനിര്‍ത്തി പരിശോധനയുടെ പേരില്‍ വലയ്‌ക്കുന്നത്‌. സംഭവത്തെക്കുറിച്ച്‌ സി.ഐ, എസ്‌.ഐ എന്നിവര്‍ക്ക്‌ ചിലര്‍ പരാതി നല്‍കിയിട്ടുണ്ട്‌. ഹെല്‍മെറ്റ്‌, സീറ്റ്‌ബെല്‍റ്റ്‌ എന്നിവയുടെ പേരിലാണ്‌ തിരക്കേറിയ സമയങ്ങളില്‍ ഇവര്‍ പരിശോധന നടത്തുന്നത്‌.
വാഹനങ്ങള്‍ തടഞ്ഞുനിര്‍ത്തിയുള്ള പരിശോധന വന്‍ഗതാഗതക്കുരുക്കിനും ഇടയാക്കുന്നു. അഷ്‌ടമിത്തിരക്കിനിടയില്‍ ജനങ്ങള്‍ക്കുണ്ടാകുന്ന ബുദ്ധിമുട്ടുകളൊന്നും കണ്ടില്ലാതെയാണ്‌ അഡീ. എസ്‌.ഐയുടെ നേതൃത്വത്തില്‍ പരിശോധനാ മാമാങ്കം. പിഴ നല്‍കിയാലും യാത്രക്കാരോട്‌ മോശമായ രീതിയിലാണ്‌ അഡീ. എസ്‌.ഐ പെരുമാറുന്നതെന്നും പരാതിയുണ്ട്‌.
from kerala news edited
via IFTTT
