Story Dated: Tuesday, December 9, 2014 06:40
പാലോട്‌: പത്താം ക്ലാസ്‌ വിദ്യാര്‍ഥിനിയെ വിവാഹ വാഗ്‌ദാനം നല്‍കി ഉപദ്രവിച്ച കേസില്‍ കെ.എസ്‌.ആര്‍.ടി.സി. എംപാനല്‍ ഡ്രൈവര്‍ അറസ്‌റ്റിലായി. ഇളവട്ടം തെക്കുംപുറത്തുവീട്ടില്‍ അഭിലാല്‍ (29) ആണ്‌ പാലോട്‌ പോലീസിന്റെ പിടിയിലായത്‌. ഇയാള്‍ കെ.എസ്‌.ആര്‍.ടി.സി. കിളിമാനൂര്‍ ഡിപ്പോയിലെ താല്‍ക്കാലിക ജീവനക്കാരനായിരുന്നു.
പനയമുട്ടം സ്വദേശിനിയായ പെണ്‍കുട്ടിയെ ഇയാള്‍ 12 ദിവസം പല വീടുകളിലായി മാറിമാറി താമസിപ്പിച്ച്‌ ഉപദ്രവിക്കുകയായിരുന്നുവെന്ന്‌ പെണ്‍കുട്ടിയുടെ പരാതിയില്‍ പറയുന്നു. തുടര്‍ന്ന്‌ ഒളിവില്‍ പോയ ഇയാളെ ഒരു ബന്ധുവീട്ടില്‍ നിന്നും പാലോട്‌ സി.ഐ. വേലായുധന്‍ നായര്‍ അറസ്‌റ്റ് ചെയ്യുകയായിരുന്നു. ഇയാളെ നെടുമങ്ങാട്‌ കോടതിയില്‍ ഹാജരാക്കി റിമാന്‍ഡ്‌ ചെയ്‌തു.
from kerala news edited
via IFTTT
