Story Dated: Monday, December 8, 2014 02:29
ആനക്കര: പറക്കുളത്തെ പൂട്ടികിടക്കുന്ന കെമിക്കല്‍ കമ്പനിയിലേക്ക്‌ രാത്രിയില്‍ ടാങ്കര്‍ ലോറികളില്‍ കൊണ്ടുവന്ന കെമിക്കല്‍ നാട്ടുകാര്‍ തടഞ്ഞു. ഇന്നലെ രാത്രിയിലാണ്‌ സംഭവം. മൂന്ന്‌ വര്‍ഷം മുമ്പ്‌ രണ്ട്‌ അന്യസംസ്‌ഥാന തൊഴിലാളികള്‍ ടാങ്കില്‍ വീണ്‌ മരിച്ചതിനെ തുടര്‍ന്ന്‌ പൂട്ടിയിട്ട പ്രിന്‍സ്‌ ഡൈ കമ്പനി തുറക്കുന്നതിന്റെ ഭാഗമായി കൊണ്ടുവന്ന കെമിക്കലാണ്‌ നാട്ടുകാര്‍ തടഞ്ഞ്‌ തിരിച്ചയച്ചത്‌. ആഴ്‌ച്ചകള്‍ക്ക്‌ മുമ്പ്‌ പുതുതായി ആരംഭിക്കാനിരിക്കുന്ന കോപ്പര്‍ കമ്പിനിയിലേക്ക്‌ ലോറിയില്‍ കൊണ്ടുവന്ന കെമിക്കല്‍ നാട്ടുകാര്‍ തടഞ്ഞ്‌ തിരിച്ചയച്ചിരുന്നു. പറക്കുളം മലിനീകരണ വിരുദ്ധ ജനകീയ ആക്ഷന്‍ കൗണ്‍സിലിന്റെ നേതൃത്വത്തില്‍ പറക്കുളത്തെ രാസകമ്പനികള്‍ക്കെതിരെ ശക്‌തമായ സമരം നടന്നു വരുന്നതിനിടയിലാണ്‌ കപ്പൂര്‍ പഞ്ചായത്ത്‌ അധികൃതരുടെ മൗനാനുവാദത്തോടെ പുതിയ കമ്പനികള്‍ തുറക്കുന്നതിന്‌ ശ്രമം നടക്കുന്നത്‌. ഇപ്പോള്‍ രാത്രിയിലും പകലും സമര സമിതിയുടെ നേതൃത്വത്തില്‍ ശക്‌തമായ കാവലുണ്ട്‌.
from kerala news edited
via IFTTT
