Story Dated: Sunday, December 7, 2014 12:12
പാലക്കാട്‌: യുദ്ധകാലത്തെപ്പോലെ സമാധാനകാലത്തും സൈനികരുടെ സേവനം വിലപ്പെട്ടതാണെന്ന്‌ എം.ബി.രാജേഷ്‌ എംപി. ജില്ലാ സൈനിക ക്ഷേമവകുപ്പിന്റെ ആഭിമുഖ്യത്തില്‍ നടത്തിയ സായുധസേന പതാക ദിനാചരണവും ബോധവത്‌ക്കരണ സെമിനാറും ഉദ്‌ഘാടനം ചെയ്‌ത് സംസാരിക്കുകയായിരുന്നു അദ്ദേഹം. വിശാഖപട്ടണത്ത്‌ കൊടുങ്കാറ്റ്‌ വീശിയടിച്ചപ്പോഴും ജമ്മുകാശ്‌മീരിലെയും ഉത്തരാഖണ്ഡിലെയും പ്രളയകാലത്തും സൈനികരാണ്‌ നാടിനെ സംരക്ഷിച്ചത്‌.
സാധാരണക്കാരന്റെ ജീവിതത്തില്‍ സൈനികര്‍ എന്നും താങ്ങും തണലുമാണെന്നും അദ്ദേഹം പറഞ്ഞു.
ജില്ലാ പഞ്ചായത്ത്‌ ഹാളില്‍ നടന്ന ചടങ്ങില്‍ മേജര്‍ ജനറല്‍ (റിട്ട) പി.സുഭാഷ്‌ വിമുക്‌ത ഭടന്മാര്‍ക്കും അവരുടെ ആശ്രിതര്‍യ്‌ക്കുമുള്ള വിദ്യാഭ്യാസ, സാമ്പത്തിക സഹായങ്ങള്‍ വിതരണം ചെയ്‌തു. ഈ വര്‍ഷത്തെ കേരള സൈനിക സ്‌മരണിക ബ്രിഗേഡിയര്‍(റിട്ട) എം.പി.ജി.മേനോന്‍ പ്രകാശനം ചെയ്‌തു. ജില്ലാ സൈനിക ക്ഷേമ ഓഫീസര്‍ ഷിജു ഷെരീഫ്‌ സ്വാഗതവും അസി. ജില്ലാ സൈനിക ക്ഷേമ ഓഫീസര്‍ എം.വി. മണി നന്ദിയും പറഞ്ഞു. പി.സുഭാഷ്‌, എം.പി.ജി.മേനോന്‍, എം.രാജന്‍, എം.വി.ചന്ദ്രമോഹന്‍, പി.മോഹന്‍ദാസ്‌ സംസാരിച്ചു.
from kerala news edited
via IFTTT
