തീപടര്‍ന്ന വീട്ടില്‍ നിന്ന്‌ കുടുംബാംഗങ്ങളെ രക്ഷിച്ചത്‌ ആറുവയസുകാരി

Story Dated: Sunday, December 7, 2014 06:37

മാസചൂസെറ്റ്‌സ്: തീജ്വാലയില്‍പ്പെട്ട വീട്ടില്‍ നിന്നും കുടുംബാംഗങ്ങളെ രക്ഷിച്ചത്‌ ആറ്‌ വയസുകാരിയുടെ ധീരത. മുറിയില്‍ പുകയും തീയും ശ്രദ്ധയില്‍പെട്ട പെണ്‍കുട്ടി ഉറങ്ങുകയായിരുന്ന അമ്മയെ വിളിച്ചുണര്‍ത്തുകയായിരുന്നു. തുടര്‍ന്ന്‌ ഇരുവരും ചേര്‍ന്ന്‌ മുകളിലത്തെ നിലയില്‍ ഉറങ്ങികിടന്ന പിതാവ്‌ ആന്റണിയെയും പന്ത്രണ്ടും പതിനഞ്ചും വയസുള്ള സഹോദരങ്ങളെയും കൂട്ടി പുറത്ത്‌ കടന്നു. ഈ സമയം വീടിന്റെ മേല്‍ക്കൂര മുഴുവന്‍ കത്തി നശിച്ചിരുന്നു. വിവരമറിയിച്ചതിനെ തുടര്‍ന്ന്‌ ഫയര്‍ഫോഴ്‌സ് എത്തി ഒരുമണിക്കൂര്‍ നീണ്ട ശ്രമത്തിനൊടുവില്‍ തീയണച്ചു. വീട്‌ പൂര്‍ണമായും കത്തിനശിച്ചു. പെണ്‍കുട്ടിയുടെ സമയോജിത ഇടപെടലിനെ ഫയര്‍ ചീഫ്‌ കെവിന്‍ ബ്രീന്‍ അഭിനന്ദിച്ചു.

from kerala news edited

via IFTTT