ഓടിക്കൊണ്ടിരിക്കേ പെട്ടെന്ന്‌ ബ്രേക്കിട്ടത്‌ അപകടത്തിന്‌ കാരണമായി

Story Dated: Saturday, February 14, 2015 12:24

ഹൊസൂര്‍: ഒമ്പതിലധികം പേരുടെ മരണത്തിനിടയാക്കിയ കഴിഞ്ഞ ദിവസം നടന്ന ട്രെയിന്‍ ദുരന്തത്തിന്‌ കാരണമായത്‌ ഓടിക്കൊണ്ടിരിക്കേ പെട്ടെന്ന്‌ ബ്രേക്കിട്ടതാണെന്ന്‌ മൊഴി. ബംഗളൂരു എറണാകുളം ഇന്റര്‍സിറ്റി എക്‌സപ്രസ്‌ ലോക്കോ പൈലറ്റാണ്‌ മൊഴി നല്‍കിയത്‌.

എന്‍ഞ്ചിനില്‍ തീ പടരുന്നുവെന്ന സംശയത്തിന്റെ പേരില്‍ പെട്ടെന്ന്‌ ബ്രേക്കിട്ട്‌ വണ്ടി നിര്‍ത്താന്‍ ശ്രമിക്കുകയായിരുന്നുവെന്ന്‌ ലോക്കോ പൈലറ്റ്‌ പറയുന്നു. കോച്ചുകളുടെ കാലപഴക്കവും കാരണമായെന്നും റെയില്‍വേ വ്യക്‌തമാക്കി.പാറക്കഷ്‌ണം പാളത്തിലേക്ക്‌ വീണതാണ്‌ അപകടകാരണമെന്നായിരുന്നു റെയില്‍വേയുടെ ആദ്യ വിശദീകരണം. ഇക്കാര്യം റെയില്‍വേമന്ത്രി സാമൂഹ്യസൈറ്റില്‍ കുറിക്കുകയും ചെയ്‌തിരുന്നു. എന്നാല്‍ അപകടം നടന്ന്‌ 24 മണിക്കൂറുകള്‍ കഴിഞ്ഞിട്ടും വ്യക്‌തമായ വിശദീകരണം നല്‍കാന്‍ റെയില്‍വേയ്‌ക്ക് കഴിഞ്ഞിരുന്നില്ല.

ഹൊസൂറിന്‌ സമീപം ആനക്കലില്‍ വെച്ച്‌ രാവിലെ ആറ്‌ മണിക്ക്‌ ബംഗളുരുവില്‍ നിന്ന്‌ പുറപ്പെട്ട ട്രെയിനാണ്‌ അപകടത്തില്‍ പെട്ടത്‌. അപകടത്തില്‍ മുന്ന്‌ സ്‌ത്രീകളും അഞ്ച്‌ പുരുഷന്മാരും ഒരു കുട്ടിയുമാണ്‌ മരിച്ചത്‌. റെയില്‍വെ ചീഫ്‌ സുരക്ഷാ കമ്മീഷണര്‍ എസ്‌.കെ.മിത്തലിന്റെ നേതൃത്വത്തില്‍ അപകടകാരണം സംബന്ധിച്ച്‌് വിശദമായ അനേ്വഷണം ആരംഭിച്ചു.

from kerala news edited

via IFTTT