Story Dated: Saturday, February 14, 2015 05:12
ഹൈദരാബാദ്: രാജ്യത്ത് രഹസ്യമായി നടത്താന്‍ ശ്രമിച്ച ശൈശവ വിവാഹങ്ങള്‍ ദാരിദ്ര നിര്‍മാര്‍ജന കമ്മീഷനും ശിശു വികസന സേവന പദ്ധതിയിലെ അംഗങ്ങളും ചേര്‍ന്നു തടഞ്ഞു. ആന്ധ്രാ പ്രദേശിലും തമിഴ്‌നാട്ടിലുമായി നടക്കാനിരുന്ന രണ്ട് വിവാഹങ്ങളാണ് രഹസ്യ വിവരത്തിന്റെ അടിസ്ഥാനത്തില്‍ ഉദ്യോഗസ്ഥരെത്തി തടഞ്ഞത്.
ആന്ധ്രാപ്രദേശിലെ ചിറ്റൂര്‍ ജില്ലയില്‍ വെള്ളിയാഴ്ചയായിരുന്നു ആദ്യ വിവാഹം നടക്കാനിരുന്നത്. അനാഥയായ 14 കാരിയെ 25 കാരനായ യുവാവിന് വിവാഹം ചെയ്ത് നല്‍കാനായിരുന്നു ശ്രമം. സംഭവ സ്ഥലത്ത് എത്തിയ പ്രവര്‍ത്തകര്‍ വിവാഹം തടഞ്ഞ് കുട്ടിയെ സുരക്ഷിത സ്ഥാനത്തേയ്ക്ക് മാറ്റി.
തമിഴ്‌നാട്ടിലെ കൃഷ്ണഗിരിയിലാണ് രണ്ടാമത്തെ വിവാഹം നടക്കാനിരുന്നത്. 13 കാരിയായ പെണ്‍കുട്ടിയെ 24 കാരന് വിവാഹം കഴിച്ച് നല്‍കാനായിരുന്നു ശ്രമം. പെണ്‍കുട്ടിയുടെ പിതാവിന്റെയും ബന്ധുക്കളുടെയും തീരുമാനപ്രകാരമായിരുന്നു ഇത്. ഞായറാഴ്ച വിവാഹത്തിനുള്ള ഒരുക്കങ്ങള്‍ നടന്നുകൊണ്ടിരിക്കെ സ്ഥലത്തെത്തിയ ഉദ്യോഗസ്ഥര്‍ കുട്ടിയെ സുരക്ഷിത സ്ഥാനത്തേയ്ക്ക് മാറ്റി. ശൈശവ വിവാഹത്തിന് പിന്നില്‍ പ്രവര്‍ത്തിച്ചവര്‍ക്ക് എതിരെ നടപടികളുമായി മുന്നോട്ട് പോകാനാണ് അധികൃതരുടെ തീരുമാനം.
from kerala news edited
via IFTTT
