Story Dated: Monday, February 23, 2015 03:20
ആനക്കര: യുവതി ഭര്‍ത്യവീട്ടില്‍ തൂങ്ങിമരിച്ച സംഭവം പീഡനം മൂലമാെണന്ന്‌ കാണിച്ച്‌ യുവതിയുടെ ബന്ധുക്കള്‍ തൃത്താല പോലീസില്‍ പരാതി നല്‍കി. പട്ടിത്തറ പഞ്ചായത്തിലെ ആലൂര്‍ കാശാംമുക്കില്‍ പാറപ്പുറത്ത്‌ സന്തോഷിന്റെ ഭാര്യ ചിത്ര(24) മരണപ്പെട്ട സംഭവത്തിലാണ്‌ പരാതി ഉയര്‍ന്നിട്ടുള്ളത്‌. ആനക്കര പഞ്ചായത്തിലെ കൂടല്ലൂര്‍ മച്ചിങ്ങല്‍ ഗംഗാധരന്‍-ബേബി ദമ്പതികളുടെ മകളാണ്‌ ചിത്ര. മൂന്ന്‌ വര്‍ഷം മുമ്പാണ്‌ ഇവരുടെവിവാഹം. ഇവര്‍ക്ക്‌ ഒന്നര വയസുളള അഭിനന്ദ്‌ എന്ന കുട്ടിയുണ്ട്‌. കഴിഞ്ഞ ദിവസമാണ്‌ ഇവര്‍ ഭര്‍ത്യവീട്ടില്‍ തൂങ്ങിമരിച്ചത്‌. ഇവരുടെ വസ്‌ത്രത്തില്‍ നിന്ന്‌ ഒരു കത്തും പോലീസിന്‌ ലഭിച്ചിട്ടുണ്ട്‌. ഭര്‍ത്താവിന്റെ മാതാവും ഭര്‍തൃ സഹോദരിമാരും നിരന്തരമായി പീഡിപ്പിക്കുന്നതായി ഇവര്‍ പലപ്പോഴും വീട്ടില്‍ പറയാറുണ്ടായിരുന്നതായി ചിത്രയുടെ വീട്ടുകാര്‍ പോലീസില്‍ നല്‍കിയ പരാതിയില്‍ പറയുന്നുണ്ട്‌. ഇവര്‍ മരണപ്പെടുന്നതിന്റെ രണ്ടാഴ്‌ച്ച മുമ്പാണ്‌ വീട്ടില്‍ വന്ന്‌ പോയത്‌. മകളുടെ മരണത്തിന്‌ കാരണക്കാരായവരെ നിയമത്തിന്‌ മുമ്പില്‍ കൊണ്ടുവരണമെന്നാണ്‌ ഈ കുടുംബം ആവശ്യപ്പെടുന്നത്‌.
from kerala news edited
via IFTTT
