Story Dated: Tuesday, February 17, 2015 05:16
മുംബൈ: ഐ.പി.എസ്‌. ഉദ്യോഗസ്‌ഥന്‍ തന്നെ പീഡിപ്പിക്കാന്‍ ശ്രമിച്ചെന്ന പരാതിയുമായി വിധവ രംഗത്ത്‌. ഓഫീസിലെ ക്ലര്‍ക്കായ തന്നെ ഐ.പി.എസ്‌. ഉദ്യോഗസ്‌ഥന്‍ കയറി പിടിക്കാന്‍ ശ്രമിച്ചു എന്നാരോപിച്ച്‌ യുവതി കൊളാബാ പോലീസില്‍ പരാതി നല്‍കി. താന്‍ വിവാഹിതയാണോ എന്നും തന്റെ കുടുംബ പശ്‌ചാത്തലവും മറ്റും ഉദ്യോഗസ്‌ഥന്‍ മുമ്പ്‌ ചോദിച്ച്‌ മനസിലാക്കിയിരുന്നതായി വിധവയായ യുവതി പരാതിയില്‍ പറയുന്നു. തുടര്‍ന്ന്‌ തന്നെ ഉദ്യോഗസ്‌ഥന്‍ നിരന്തരം ഫോണില്‍ വിളിച്ച്‌ ശല്യം ചെയ്‌തിരുന്നു.
തിങ്കളാഴ്‌ച ഓഫീസിലെത്തിയ തന്നെ ഉദ്യോഗസ്‌ഥന്‍ കടന്നു പിടിക്കുകയായിരുന്നുവെന്ന്‌ യുവതിയുടെ പരാതിയില്‍ പറയുന്നു. യുവതിയുടെ പരാതി തങ്ങള്‍ക്ക്‌ ലഭിച്ചതായി പോലീസ്‌ ഉദ്യോഗസ്‌ഥര്‍ സ്‌ഥിരീകരിച്ചു. എന്നാല്‍ സംഭവത്തില്‍ ദൃക്‌സാക്ഷികളോ മറ്റ്‌ തെളിവുകളോ ഇല്ലാത്തതിനാല്‍ പോലീസ്‌ ഇതുവരെ എഫ്‌.ഐ.ആര്‍. രജിസ്‌റ്റര്‍ ചെയ്‌തിട്ടില്ല.
യുവതിയുടെ ഫോണിലേക്കുവന്ന കോളുകള്‍ പരിശോധിച്ചാല്‍ മാത്രമേ പരാതിയിലെ വിശ്വാസ്യത ഉറപ്പുവരുത്താന്‍ സാധിക്കുകയുള്ളുവെന്നും പോലീസ്‌ വ്യക്‌തമാക്കി. യുവതി കുറ്റാരോപിതന്റെ കീഴ്‌ജീവനക്കാരി ആയതിനാല്‍ ഉദ്യോഗസ്‌ഥന്‍ ഇവര്‍ക്കെതിരെ മുമ്പ്‌ എന്തെങ്കിലും നടപടികള്‍ സ്വീകരിച്ചതിന്റെ വൈരാഗ്യമാണോ പരാതിക്ക്‌ പിന്നിലെന്നും പോലീസ്‌ പരിശോധിക്കുന്നുണ്ട്‌.
from kerala news edited
via IFTTT
