കെ.എം മാണി പങ്കെടുത്ത ചടങ്ങില്‍ വി.എസ്‌ വിട്ടുനിന്നു

Story Dated: Tuesday, February 17, 2015 12:24

തിരുവനന്തപുരം : ബാര്‍കോഴ കേസില്‍ ആരോപണവിധേയനായ ധനമന്ത്രി കെ.എം മാണി പങ്കെടുത്ത ചടങ്ങില്‍ നിന്നും പ്രതിപക്ഷ നേതാവ്‌ വി.എസ്‌ അച്യുതാനന്ദന്‍ വിട്ടുനിന്നു. തിരുവനന്തപുരത്ത്‌ നടക്കുന്ന മാര്‍ ഗ്രിഗോറിയസ്‌ ജന്മശതാബ്‌ദി ആഘോഷങ്ങളുടെ ഉദ്‌ഘാടന ചടങ്ങില്‍ നിന്നാണ്‌ വി.എസ്‌ വിട്ടുനിന്നത്‌. കെ.എം മാണി പങ്കെടുക്കുന്ന പരിപാടികള്‍ ബഹിഷ്‌കരിക്കുമെന്ന തീരുമാനത്തിന്റെ ഭാഗമായാണ്‌ ചടങ്ങില്‍ നിന്നും വിട്ടുനിന്നതെന്ന്‌ വി.എസിന്റെ ഓഫീസ്‌ അറിയിച്ചു.

സംസ്‌ഥാന വ്യാപകമായി കെ.എം മാണി പങ്കെടുക്കുന്ന ചടങ്ങുകളില്‍ പ്രതിഷേധിക്കുമെന്ന്‌ ഇടതുസംഘടനകള്‍ വ്യക്‌തമാക്കിയിരുന്നു. ആരോപണ വിധേയനായ ധനമന്ത്രി ബജറ്റ്‌ അവതരിപ്പിക്കുന്നത്‌ തടയുമെന്നും മാണി രാജിവെക്കണമെന്നും ഇടതുമുന്നണി ആവശ്യപ്പെട്ടിരുന്നു.

from kerala news edited

via IFTTT