Story Dated: Saturday, December 13, 2014 05:58
തുറവൂര്‍: വ്യവസായ മേഖലയില്‍ അപകടങ്ങള്‍ വര്‍ധിച്ചുവരുന്ന സാഹചര്യത്തില്‍ അരൂരിലെ നിര്‍ദ്ദിഷ്‌ട ഫയര്‍ സ്‌റ്റേഷന്‍ നിര്‍മാണത്തിന്‌ അടിയന്തിരമായി ഫണ്ട്‌ അനുവദിക്കണമെന്ന ആവശ്യം ശക്‌തമാകുന്നു. നിരവധി വ്യവസായ സ്‌ഥാപനങ്ങള്‍ സ്‌ഥിതി ചെയ്യുന്ന ഇന്‍ഡസ്‌ട്രിയല്‍ എസ്‌റ്റേറ്റ്‌, അമോണിയാ വാതകം പോലുള്ള ഗുരുതര പ്രത്യാഘാതങ്ങളുണ്ടാക്കുന്ന വാതകങ്ങളും മറ്റും ഉപയോഗിക്കുന്ന ഫാക്‌ടറികള്‍, മത്സ്യസംസ്‌കരണ - കയറ്റുമതി സ്‌ഥാപനങ്ങള്‍ തുടങ്ങി ഒട്ടേറെ വ്യവസായ സ്‌ഥാപനങ്ങള്‍ അരൂര്‍ മണ്ഡലത്തിന്റെ വിവിധ മേഖലകളിലായി സ്‌ഥിതി ചെയ്യുന്നുണ്ട്‌.
ഈ സ്‌ഥാപനങ്ങളിലെവിടെയെങ്കിലും അപകടങ്ങളുണ്ടായാല്‍ തിരക്കേറിയ എറണാകുളം നഗരത്തില്‍നിന്നോ ചേര്‍ത്തലയില്‍നിന്നോ അഗ്നിശമനസേന എത്തേണ്ട സ്‌ഥിതിയാണ്‌. അരൂരില്‍ ഫയര്‍ സ്‌റ്റേഷന്‍ നിര്‍മിക്കുന്നതിന്‌ എ.എം ആരീഫ്‌ എം.എല്‍.എയുടെ ആസ്‌തിവികസന ഫണ്ടില്‍ നിന്ന്‌ തുക അനുവദിച്ചിരുന്നു.
ഈ തുക സ്‌റ്റേഷന്‍ നിര്‍മാണത്തിന്‌ അപര്യാപ്‌തമായ സാഹചര്യത്തിലാണ്‌ ഫയര്‍ സ്‌റ്റേഷന്റെ നിര്‍മാണത്തിനാവശ്യമായ തുക അനുവദിക്കണമെന്നാവശ്യപ്പെട്ട്‌ എം.എല്‍.എ ആഭ്യന്തരമന്ത്രി രമേശ്‌ ചെന്നിത്തലയ്‌ക്ക്‌ നിവേദനം നല്‍കിയത്‌. കെ.എസ്‌.ഇ.ബി, ബി.എസ്‌.എന്‍.എല്‍ ഓഫീസുകള്‍ സ്‌ഥിതി ചെയ്യുന്ന സ്‌ഥലമാണ്‌ നിര്‍ദ്ദിഷ്‌ട ഫയര്‍ സ്‌റ്റേഷന്‍ നിര്‍മാണത്തിനായി നിര്‍ദ്ദേശിച്ചിരിക്കുന്നത്‌.
from kerala news edited
via IFTTT
