Story Dated: Saturday, December 13, 2014 03:20
മലപ്പുറം: കേന്ദ്ര സര്‍ക്കാര്‍ നടപ്പാക്കുന്ന മഹിളാ കിസ്സാന്‍ സശാക്‌തീകരണ്‍ പരിയോജനക്ക്‌ പെരുമ്പടപ്പ്‌ ബ്ലോക്ക്‌ പഞ്ചായത്തില്‍ തുടക്കമായി. ഭക്ഷ്യ സുരക്ഷാ, സ്‌ത്രീ ശാക്‌തീകരണം, കാര്‍ഷികരംഗത്ത്‌ സര്‍ക്കാര്‍ ഇടപെടല്‍ എന്നിവയാണു പദ്ധതിയുടെ മുഖ്യലക്ഷ്യം. പദ്ധതിയുടെ ഭാഗമായി നെല്‍കൃഷി പരിപോഷണം ലക്ഷ്യമിട്ട്‌ യന്ത്രവത്‌കൃത പ്രവര്‍ത്തനങ്ങളില്‍ വിദഗ്‌ധ പരിശീലനം നേടിയ ബ്ലോക്ക്‌ പരിധിയിലെ 33 വനിതകള്‍ ഉള്‍പ്പെട്ട ലേബര്‍ ബാങ്ക്‌ രൂപവത്‌കരിച്ചിട്ടുണ്ട്‌. ബ്ലോക്ക്‌ പഞ്ചായത്ത്‌ വൈസ്‌ പ്രസിഡന്റ്‌ അബ്‌ദുള്‍ റഷീദ്‌ അധ്യക്ഷനായ പരിപാടിയില്‍ ജോയിന്റ്‌ ബി.ഡി.ഒ കെ.വി ജോസ്‌ പദ്ധതി വിശദീകരിച്ചു. പാഠ ശേഖര സമിതി പ്രസിഡന്റുമാരായ സുരേഷ്‌, ഹമീദ്‌, അലി, മുഹമ്മദ്‌, ബ്ലോക്ക്‌ ക്ഷേമകാര്യ സ്‌റ്റാന്‍ഡിങ്‌ കമ്മിറ്റി ചെയര്‍മാന്‍ മുഹമ്മദ്‌ നവാസ്‌, കൃഷി ഓഫീസര്‍ സുരേഷ്‌, എം.കെ രമ ചര്‍ച്ചയില്‍ പങ്കെടുത്തു.
from kerala news edited
via IFTTT
