Story Dated: Saturday, December 13, 2014 06:01
കോട്ടയം: സ്വകാര്യ ബസ്‌ കണ്ടക്‌ടര്‍ വിദ്യാര്‍ഥിനിയെ ശല്യം ചെയ്യുന്നതായി പരാതി, പരാതിയ്‌ക്കിടയാക്കിയ ബസ്‌ തടയാനുള്ള വിദ്യാര്‍ഥികളുടെ ശ്രമം സംഘര്‍ഷത്തിനു കാരണമായി. ഇന്നലെ വൈകിട്ടാണു സംഭവം. കെ.കെ. റോഡില്‍ സര്‍വീസ്‌ നടത്തുന്ന സ്വകാര്യ ബസിലെ കണ്ടക്‌ടര്‍ ബസേലിയസ്‌ കോളജിലെ വിദ്യാര്‍ഥിനിയെ ശല്യം ചെയ്‌തുവെന്നാണു പരാതി.ഇതു സംബന്ധിച്ച്‌ വിദ്യാര്‍ഥികള്‍ ആര്‍.ടി.ഒയ്‌ക്കു പരാതി നല്‍കുകയും ചെയ്‌തിരുന്നു.
എന്നാല്‍, നടപടിയൊന്നുമുണ്ടാകാതിരിക്കുകയും വിദ്യാര്‍ഥിനിക്കു നേരെ ശല്യം തുടരുകയും ചെയ്‌തതോടെ ഇന്നലെ കോളജ്‌ വിദ്യാര്‍ഥികള്‍ ബസ്‌ തടയാന്‍ ശ്രമിച്ചതു സംഘര്‍ഷത്തിനു കാരണമാകുകയായിരുന്നു. സംഭവമറിഞ്ഞെത്തിയ ഈസ്‌റ്റ്‌ പോലീസ്‌ വിദ്യാര്‍ഥികളുടെ ശ്രമത്തെ തടയുകയായിരുന്നു. തുടര്‍ന്ന്‌ വിദ്യാര്‍ഥികള്‍ നല്‍കിയ പരാതിയുടെ അടിസ്‌ഥാനത്തില്‍ ബസ്‌ കണ്ടക്‌ടറെ ഇന്നു സ്‌റ്റേഷനിലേക്കു വിളിപ്പിച്ചിട്ടുണ്ടെന്നു ഈസ്‌റ്റ്‌ എസ്‌.ഐ. യു. ശ്രീജിത്‌ പറഞ്ഞു.
from kerala news edited
via IFTTT
