Story Dated: Tuesday, December 16, 2014 08:01
ന്യൂയോര്‍ക്ക്‌: യു.എസിലെ ഫിലാഡെല്‍ഫിയയില്‍ തോക്കുധാരി ആറ്‌ പേരെ വെടിവെച്ച്‌ കൊന്നു. സംഭവത്തില്‍ ബ്രാഡ്‌ലി വില്യം സ്‌റ്റോണ്‍ എന്ന 35 കാരനെ പോലീസ്‌ തിരയുന്നു. തിങ്കളാഴ്‌ച നടന്ന വെടിവെയ്‌പില്‍ ഒരാള്‍ക്ക്‌ പരുക്കേറ്റു. എന്നാല്‍ ആക്രമ കാരണം വ്യക്‌തമല്ല.
സംഭവത്തെ തുടര്‍ന്ന്‌ ജനങ്ങള്‍ ജാഗ്രത പാലിക്കണമെന്ന്‌ പോലീസ്‌ അറിയിച്ചു. ചെമ്പന്‍ മുടിക്കാരനായ സ്‌റ്റോണ്‍ മുടി പറ്റെ വെട്ടിയിട്ടുണ്ട്‌ എന്നും പോലീസ്‌ നല്‍കുന്ന വിവരണത്തില്‍ പറയുന്നു.
അക്രമത്തിന്‌ ഇരയായവര്‍ പ്രതിയുടെ ബന്ധുക്കളാണ്‌. ഇതില്‍ നിക്കോളേ ഹില്‍ പ്രതിയുടെ മുന്‍ ഭാര്യയാണെന്ന്‌ പ്രാദേശിക ചാനലുകള്‍ റിപ്പോര്‍ട്ട്‌ ചെയ്യുന്നു. ലോവെര്‍ സാല്‍ഫോര്‍ഡിലെ അപ്പാര്‍ട്‌മെന്റില്‍ രണ്ട്‌ കുട്ടികളുടെയും മുന്നില്‍ വെച്ചാണ്‌ ഹില്‍ കൊല്ലപ്പെട്ടതെന്ന്‌ കരുതപ്പെടുന്നു.
കൊല്ലപ്പെട്ടവരുടെ മറ്റ്‌ ശരീരങ്ങള്‍ ഹില്ലിന്റെ സഹോദരിയുടെ വീട്ടില്‍ നിന്നാണ്‌ കണ്ടെത്തിയത്‌. ഒരു കൗമാരക്കാരനെ പരുക്കേറ്റനിലയിലും ഇവിടെ നിന്നും കണ്ടെത്തി. ഇയാളെ ഹെലികോപ്‌റ്ററില്‍ ആശുപത്രിയിലേക്ക്‌ മാറ്റി.
from kerala news edited
via IFTTT
