Story Dated: Sunday, January 18, 2015 12:04
ഫ്‌ളോറിഡ: നവജാതശിശുവിനെ മാതാവ്‌ ജീവനോടെ കത്തിച്ചു. ന്യൂ ജേഴ്‌സിയില്‍ വെള്ളിയാഴ്‌ച രാത്രിയോടെയായിരുന്നു സംഭവം. ഹൈഫര്‍ കെംബെര്‍ലി ഡോര്‍ലിവര്‍ എന്ന യുവതിയാണ്‌ കൃത്യം ചെയ്‌തത്‌. കൊലപാതക കുറ്റത്തിന്‌ ഇവരെ അറസ്‌റ്റ് ചെയ്‌തിട്ടുണ്ട്‌. പെമ്പര്‍ട്ടണ്‍ നഗരത്തിലെ സൈമണ്‍ ടൗണ്‍ റോഡിലായിരുന്നു സംഭവം.
തീ കൊളുത്തുന്നതിന്‌ മുമ്പ്‌ വേഗത്തില്‍ തീ പടരാനുള്ള എന്തോ ദ്രാവകം ഇവര്‍ കുട്ടിയുടെ മേല്‍ പുരട്ടിയതായി വിവരമുണ്ട്‌. വെളളിയാഴ്‌ച രാത്രി പത്തു മണിയോടെ ഒരു കാറിലെത്തിയ 22 കാരി വഴിയുടെ നടുവില്‍ കാര്‍ നിര്‍ത്തിയ ശേഷം കുട്ടിയെ ജീവനോടെ കത്തിക്കുകയായിരുന്നു. സംഭവത്തിന്‌ സാക്ഷിയായവര്‍ വിളിച്ചു പറഞ്ഞത്‌ അനുസരിച്ച്‌ അത്യാഹിത വിഭാഗം പെട്ടെന്ന്‌ സ്‌ഥലത്തെത്തുകയും കുഞ്ഞിനെ ആശുപത്രിയിലേക്ക വ്യോമമാര്‍ഗ്ഗം കൊണ്ടുപോകുകയും ചെയ്‌തെങ്കിലുംപിന്നീട്‌ മണിക്കൂറുകള്‍ക്ക്‌ ശേഷം കുട്ടി മരിച്ചു.
ഗുരുതരമായി പൊള്ളലേറ്റ നിലയില്‍ ആശുപത്രിയിലേക്ക്‌ കൊണ്ടുപോകുമ്പോള്‍ പോലും കുട്ടിക്ക്‌ ശ്വാസമുണ്ടായിരുന്നു. യാതൊരു വിധത്തിലുള്ള വികാരക്ഷോഭവും കൂടാതെ തികച്ചും ശാന്തയായാണ്‌ യുവതി കൃത്യം നിര്‍വ്വഹിച്ചതെന്ന്‌ സംഭവം കണ്ടവര്‍ പറഞ്ഞു. കണ്ടു നിന്നവര്‍ എന്താണ്‌ കത്തിക്കുന്നതെന്ന്‌ ചോദിച്ചപ്പോള്‍ വീട്ടു നായയുടെ മാലിന്യമാണെന്നായിരുന്നു ഇവര്‍ നല്‍കിയ മറുപടി. എന്നാല്‍ അലര്‍ച്ച പോലെ ഒരു ശബ്‌ദം കേട്ടതോടെയാണ്‌ ആള്‍ക്കാര്‍ അത്‌ കുഞ്ഞാണെന്ന്‌ തിരിച്ചറിഞ്ഞത്‌. തുടര്‍ന്ന്‌ ഇവര്‍ അത്യാഹിത വിഭാഗത്തിലേക്ക്‌ വിളിക്കുകയായിരുന്നു.
from kerala news edited
via IFTTT
