സൗദിയില്‍ ഷോപ്പുകളുടെ നിര്‍ദ്ദിഷ്ട സമയക്രമം ഉടനെയുണ്ടായേക്കും
Posted on: 18 Jan 2015
ജിദ്ദ: സൗദിയിലെ ചെറുകിട വ്യാപാരസ്ഥാപനങ്ങള്‍ക്ക് ഏര്‍പ്പെടുത്താനുള്ള നിര്‍ദ്ദിഷ്ട സമയക്രമീകരണം മാളുകള്‍ക്ക് ബാധകമായിരിക്കില്ലെന്ന് അധികൃതര്‍. റംസാന്‍ സീസണെയും പുതിയ ക്രമീകരണത്തില്‍ നിന്ന് ഒഴിവാക്കും. ഷോപ്പുകളുടെ പ്രവര്‍ത്തി സമയം രാവിലെ 9 മുതല്‍ വൈകീട്ട് 9 വരെയായി നിജപ്പെടുത്തിയാണ് തീരുമാനം. ഹോട്ടലുകള്‍, ഫാര്‍മസികള്‍, കഫേകള്‍, പെട്രോള്‍പമ്പുകള്‍ എന്നിവ പുതിയ സമയക്രമീകരണത്തിന്റെ പരിധിയില്‍പ്പെടുകയില്ല.
പുതിയ സമയക്രമം സംബന്ധിച്ചുള്ള പ്രഖ്യാപനം സൗദി മന്ത്രിസഭ വൈകാതെ നടത്തുമെന്നാണ് വിശ്വസിക്കപ്പെടുന്നത്. തൊഴില്‍മന്ത്രി ആദില്‍ ഫഖീഹ് ഇക്കാര്യം ഇതിനകം പ്രസ്താവിച്ചിരുന്നു. വിവിധ വ്യാപാര വ്യവസായ തലങ്ങളില്‍ വിഷയം ഗൗരവമായ ചര്‍ച്ചയിലാണുള്ളത്. ഉച്ചയ്ക്ക് 12 വരെ മോര്‍ണിംഗ് ഷിഫ്റ്റും വൈകീട്ട് 4 മുതലുള്ള മറ്റൊരു ഷിഫ്റ്റും ആയി കടകള്‍ പ്രവര്‍ത്തിച്ചാല്‍ മതിയെന്നാണ് തൊഴില്‍ മന്ത്രാലയത്തിന്റെ സജീവപരിഗണനയിലുള്ള നിര്‍ദ്ദിഷ്ട തീരുമാനം.
അക്ബര്‍ പൊന്നാനി
from kerala news edited
via IFTTT
