Story Dated: Sunday, January 18, 2015 02:53
കാഞ്ഞാണി: സുഹൃത്തുക്കളോടൊപ്പം ക്ഷേത്രക്കുളത്തില്‍ കുളിക്കാനിറങ്ങിയ യുവാവ്‌ മുങ്ങിമരിച്ചു. കണ്ടശാംകടവ്‌ ബി.എസ്‌.എന്‍.എല്‍. ഓഫീസിനു പിന്നില്‍ പറത്തട്ടില്‍ രാജീവിന്റെ മകന്‍ വിഷ്‌ണു (18) ആണ്‌ മരിച്ചത്‌. ഫാബ്രിക്കേഷന്‍ തൊഴിലാളിയാണ്‌. ഇന്നലെ ഉച്ചയോടെ മണലൂര്‍ തൃക്കുന്നത്തു ക്ഷേത്രക്കുളത്തിലായിരുന്നു സംഭവം.
സുഹൃത്തുക്കളായ എബിന്‍, അജു, ശ്രീരാഗ്‌ എന്നിവരോടൊപ്പമാണ്‌ വിഷ്‌ണു ക്ഷേത്രക്കുളത്തില്‍ ഉച്ചയോടെ കുളിക്കാനിറങ്ങിയത്‌. കുളിച്ചുകൊണ്ടിരിക്കേ വിഷ്‌ണു മുങ്ങിത്താഴുന്നതുകണ്ട്‌ കൂട്ടുകാര്‍ രക്ഷപ്പെടുത്താന്‍ ശ്രമിച്ചെങ്കിലും സാധിച്ചില്ല. ഉച്ചകഴിഞ്ഞ്‌ രണ്ടേമുക്കാലോടെ തൃശൂരില്‍നിന്നെത്തിയ ഫയര്‍ ആന്‍ഡ്‌ റസ്‌ക്യൂ സര്‍വീസ്‌ സേനാംഗങ്ങളാണ്‌ മൃതദേഹം മുങ്ങിയെടുത്തത്‌. അന്തിക്കാട്‌ പോലീസ്‌ മേല്‍നടപടി സ്വീകരിച്ചു. അമ്മ: സുധ. സഹോദരന്‍: വിശാഖ്‌.
from kerala news edited
via IFTTT
