Story Dated: Sunday, January 18, 2015 12:13
കോട്ടയം : സിപിഎം കോട്ടയം ജില്ലാ സെക്രട്ടറിയായി മുന്‍ എംഎല്‍എയും സിഐടിയു ഭാരവാഹിയുമായ വി.എന്‍ വാസവനെ തെരഞ്ഞെടുത്തു. 35 അംഗ ജില്ലാ കമ്മറ്റിയേയും തെരഞ്ഞെടുത്തിട്ടുണ്ട്‌. രണ്ട്‌ പുതുമുഖങ്ങളെ കമ്മറ്റിയില്‍ ഉള്‍പ്പെടുത്തിയിട്ടുണ്ട്‌. ഗിരീഷ്‌ ,ഗണേശ്‌ എന്നിവരാണ്‌ ജില്ലാക്കമ്മറ്റിയില്‍ എത്തിയിരിക്കുന്ന പുതുമുഖങ്ങള്‍. പ്രതിനിധിസമ്മേളനം ഇന്ന്‌ സമാപിക്കും.
വൈകിട്ട്‌ അഞ്ചുമണിയ്‌ക്ക് നടക്കുന്ന പൊതു സമ്മേളനം പോളിറ്റ്‌ബ്യൂറോ അംഗം കോടിയേരി ബാലകൃഷ്‌ണന്‍ ഉദ്‌ഘാടനം ചെയ്യും. പോളിറ്റ്‌ബ്യൂറോ അംഗം എം.എ ബേബി, കേന്ദ്രകമ്മറ്റി അംഗങ്ങളായ വൈക്കം വിശ്വന്‍, പി. കുരുണാകരന്‍ എം.പി, പി.കെ ഗുരുദാസന്‍ എം.എല്‍.എ, തോമസ്‌ ഐസക്ക്‌ എം.എല്‍.എ, എം.സി ജോസഫൈന്‍, കെ.കെ ശൈലജ, സംസ്‌ഥാന സെക്രട്ടേറിയേറ്റ്‌ അംഗം എം.വി ഗോവിന്ദന്‍ എന്നിവര്‍ സംസാരിക്കും.
from kerala news edited
via IFTTT
