Story Dated: Sunday, January 18, 2015 02:53
കുന്നംകുളം: മഞ്ചേരിയിലെ കന്നുകാലി ചന്തയില്‍നിന്ന്‌ 20 ഇറച്ചി കാളകളെ കുത്തിനിറച്ച്‌ കൊണ്ടുപോയിരുന്ന ചരക്കുലോറി പോലീസ്‌ പിടിച്ചെടുത്തു. മഞ്ചേരി ചന്തയില്‍നിന്ന്‌ പെരുമ്പാവൂര്‍ക്കാണ്‌ കാലികളെ കൊണ്ടുപോയിരുന്നത്‌. സംശയം തോന്നിയ പോലീസ്‌ ലോറി തടഞ്ഞു പരിശോധിച്ചപ്പോഴാണ്‌ കാളകളാണെന്ന്‌ മനസിലായത്‌. ലോറി മുഴുവനായും ടാര്‍പായകൊണ്ട്‌ മറച്ച്‌ ഭദ്രമായി കെട്ടിനിര്‍ത്തിയതിനുള്ളിലാണ്‌ കാളകളെ കുത്തിനിറച്ചിരുന്നത്‌. പുറത്തേക്ക്‌ കാണാന്‍ കഴിയാത്തവിധത്തില്‍ കാറ്റും വെയിലും കൊള്ളാതെയാണ്‌ കാളകളെ കുത്തിനിറച്ചിരുന്നത്‌. ഡ്രൈവര്‍ ദീപക്കില്‍നിന്നും പോലീസ്‌ പിഴ ഈടാക്കി വാഹനം വിട്ടുകൊടുത്തു.
from kerala news edited
via IFTTT
