Story Dated: Saturday, January 31, 2015 03:36
ആനക്കര: പ്രസിദ്ധമായ കൗപ്ര തടത്തില്‍ ഭഗവതി ക്ഷേത്രത്തിലെ താലപ്പൊലി വര്‍ണ്ണാഭമായി. രാവിലെ നടതുറക്കലോടെ ക്ഷേത്ര ചടങ്ങുകള്‍ക്ക്‌ തുടക്കമായി. ഉച്ചക്ക്‌ ശേഷം മൂന്ന്‌ ആനകളുടെയും പഞ്ചവാദ്യത്തിന്റെയും അകമ്പടിയോടെ എഴുന്നള്ളിപ്പ്‌ നടന്നു. എഴുന്നളളിപ്പ്‌ ക്ഷേത്രത്തില്‍ എത്തിയതോടെ ഗ്രാമിണവഴികളെ ധന്യമാക്കികൊണ്ട്‌ വിവിധ കമ്മറ്റികളുടെ ആഭിമുഖ്യത്തില്‍ കരിങ്കാളി, തെയ്യം തിറ, പൂക്കാവടി, തകില്‍, നാദസ്വരം, വിവിധവേഷങ്ങള്‍, പൂതന്‍, ബാന്റ്‌, ശിങ്കാരിമേളം, നാസിഡോള്‍ എന്നിവയോടെ കൊടിവരവുകളെത്തി. വൈകീട്ട്‌ വെടിക്കെട്ട്‌, രാത്രിയില്‍ ഡബിള്‍ തായമ്പക, കൊമ്പ്‌, കുഴല്‍, പറ്റ്‌, വിവിധകലാപരിപാടികള്‍ എന്നിവയോടെ ആഘോഷങ്ങള്‍ക്ക്‌ സമാപനമായി.
from kerala news edited
via IFTTT
