Story Dated: Saturday, January 31, 2015 02:05
ചേര്‍ത്തല: ചേര്‍ത്തലയിലെ ലാന്‍ഡ്‌ ട്രിബ്യൂണല്‍ ഓഫീസ്‌ നിര്‍ത്തലാക്കാനുളള നീക്കം പിന്‍വലിച്ചു. സിവില്‍ സ്‌റ്റേഷനില്‍ പ്രവര്‍ത്തിക്കുന്ന ഓഫീസ്‌ പൂട്ടി സമീപ ജില്ലയിലെ ഓഫീസിന്റെ പരിധിയിലേക്ക്‌ ഫയലുകള്‍ ഉള്‍പ്പെടുത്താനാണ്‌ നേരത്തെ തീരുമാനമെടുത്തിരുന്നത്‌. ഇതിനെതിരേ വ്യാപക പ്രതിഷേധമുയര്‍ന്നതോടെയാണ്‌ തീരുമാനം ഉപേക്ഷിച്ചത്‌. നേരത്തേ നിര്‍ത്തലാക്കിയ പത്തനംതിട്ട, ആലപ്പുഴ, പട്ടണക്കാട്‌ എന്നീ പ്രദേശങ്ങളിലടക്കം 23 ലാന്‍ഡ്‌ ട്രിബ്യൂണലുകളിലെ രേഖകളാണ്‌ ഓഫീസിലുളളത്‌.
അഞ്ചുലക്ഷത്തോളം ഫയലുകള്‍ ഉള്ളതില്‍ പലതും ദ്രവിച്ച നിലയിലാണ്‌. പട്ടയത്തിനായി കാത്തിരിക്കുന്നവരെയും വിചാരണയ്‌ക്ക് എത്തുന്നവരെയും ഓഫീസ്‌ പൂട്ടാനുളള തീരുമാനം ദുരിതത്തിലാക്കുമെന്നുകാട്ടി പി. തിലോത്തമന്‍ എം.എല്‍.എ റവന്യൂമന്ത്രിക്ക്‌ നിവേദനം നല്‍കിയിരുന്നു.
from kerala news edited
via IFTTT
