Story Dated: Saturday, January 31, 2015 02:05
മാവേലിക്കര: കടന്നലാക്രമണത്തില്‍ നിരവധിപേര്‍ക്ക്‌ പരുക്കേറ്റു. തെക്കേക്കര പള്ളിക്കല്‍ ഈസ്‌റ്റ്‌ വാര്‍ഡില്‍ ഇന്നലെ രാവിലെ 7 മണിയോടെയാണ്‌ കടന്നലിന്റെ ആക്രമണമുണ്ടായത്‌. മലയില്‍പടീറ്റതില്‍ ശ്രീധരന്റെ വീട്ടുവളപ്പില്‍ നില്‍ക്കുന്ന തെങ്ങിന്‍മുകളിലുണ്ടായിരുന്ന കടന്നല്‍ക്കൂട്‌ പരുന്ത്‌ കൊത്തിയിളക്കിയതിനെ തുടര്‍ന്ന്‌ കടന്നലുകള്‍ കൂട്ടത്തോടെ പ്രദേശവാസികളെ ആക്രമിക്കുകയായിരുന്നു.
നിരവധി ആളുകള്‍ക്ക്‌ കുത്തേറ്റു.സാരമായി പരുക്കേറ്റ പ്രദേശ വാസികളായ കൊച്ചുനാണു(60),ഗൗരി(65),സുമേഷ്‌(22) എന്നിവര്‍ മാവേലിക്കര ജില്ലാആശുപത്രിയില്‍ ചികിത്സ തേടി.കടന്നല്‍ക്കൂട്‌ ഉയരം കൂടിയ തെങ്ങിന്റെ മുകളിലായതിനാല്‍ നശിപ്പിക്കാനായില്ല. പ്രദേശത്തെ ജനങ്ങള്‍ ഭീതിയിലാണ്‌.
from kerala news edited
via IFTTT
