ദോഹ: ഇന്ത്യന്‍ ഫുട്ബാളിന് മലയാളികളുടെ അഭിമാനമായ ഐ.എം.വിജയനും ആസിഫ് സഹീറിന്റെയും സാന്നിദ്ധ്യത്തില്‍ അല്‍സമാന്‍ എക്‌ചേഞ്ച് ജനറല്‍ മാനേജര്‍ അന്‍വര്‍ സാദത്ത് വിണ്ണില്‍ വര്‍ണബലൂണുകള്‍ പറത്തിക്കൊണ്ട് അഞ്ചാമത് വാഖ് ഫുട്ബാള്‍ ടൂര്‍ണ്ണമെന്റിന് ഔപചാരികമായി തുടക്കംക്കുറിച്ചു.ടൂര്‍ണ്ണമെന്റില്‍ അണിനിരക്കുന്ന ടീമുകളുടെ വര്‍ണശബളിമയാര്‍ന്ന മാര്‍ച്ച്പാസ്റ്റ് ചടങ്ങിന് കൊഴു്‌പ്പേകി. ഇമാദി ഖത്തറും കള്‍ച്ചറല്‍ ഫോറവുമായുള്ള മത്സരത്തില്‍ ഒരു ഗോളിന് ഇമാദി ഖത്തര്‍ വിജയികളായി. രണ്ടാമത്തെ മത്സരത്തില്‍ കുനിയില്‍ എക്്‌സ്പാര്‍ട്ട്‌സ് അസോസിയേഷന്‍ ഒന്നിനെതിരെ അഞ്ചുഗോളുകള്‍ക്ക് ഫൈസല്‍ സോക്കറിനെ പരാജയപ്പെടുത്തി.
മലയാളികളുടെ സെവന്‍സ് ഫുട്ബാളിന്റെ നേര്‍ക്കാഴ്ചയാണ് ഖത്തറില്‍ കാണാനാകുന്നതെന്നും ഇത്തരം ഫുട്ബാള്‍ ടൂര്‍ണ്ണമെന്‍റുകള്‍ സംഘടിപിക്കുന്ന വാഖിനെ പോലുള്ള സംഘടനകള്‍ ഇന്ത്യന്‍ ഫുട്ബാളിന് കൂടി മുതല്‍ക്കൂട്ടാവുന്ന തരത്തിലുള്ള പ്രവര്‍ത്തനമാണ് കാഴ്ചവെക്കുന്നതെന്നും ആസിഫ് സഹീര്‍ പറഞ്ഞു.
ഉദ്ഘാടനമത്സത്തില്‍ പങ്കെടുത്ത ടീമുകളെ ഐ.എം. വിജയന്‍ പരിചയപ്പെട്ടു. മാര്‍ച്ച് പാസ്റ്റില്‍ വിജയിച്ച കുനിയില്‍ എക്്‌സ്പാര്‍ട്ട്‌സ് അസോസിയേഷനുള്ള കാഷ്് അവാര്‍ഡ് ചടങ്ങില്‍ ഐ.എം.വിജയനും
മെസ്സിയെക്കുറിച്ചുള്ള ഹ്രസ്വചിത്രത്തില്‍ അഭിനയിച്ച സല്‍മാന്‍ സുബൈറിനുള്ള മെമ്‌ന്റോ ആസിഫ് സഹീറും സമ്മാനിച്ചു. ഉദ്ഘാടനചടങ്ങുകളുടെ ഉദ്ഘാടനകര്‍മ്മം ഖത്തര്‍ ഇന്ത്യന്‍ ഫുട്ബാള്‍ ഫോറം പ്രസിഡന്റും ക്വാളിറ്റി ഗ്രൂപ്പ് ഓഫ് കമ്പനീസ് മാനേജിംഗ് ഡയക്്ടര്‍ ശംസുദ്ദീന്‍ ഒളകര നിര്‍വഹിച്ചു.
കെ. മുഹമ്മദ് ഈസ്സ, ഇന്ത്യന്‍ ഇസ്ലാമിക് അസോസിയേഷന്‍ ജനറല്‍ സെക്രട്ടറി വി ടി ഫൈസല്‍,അല്ഫനൌസ് ജനറല്‍ മാനേജര്‍ ബഷീര്‍ കുനിയില്‍,ജി ആര്‍ സി മാസ്റ്റെര്‍സ് വി കെ അബ്ദുള്ള, കണ്ണിയത്ത് അബ്ദുല്ലത്തീഫ്,ബാലന്‍, മഷ്്ഹൂദ് തിരുത്തിയാട്,ഹംസ പാലക്കാട്,മുസ്തഫ സ്റ്റാര്‍ കാര്‍ വാഷ് തുടങ്ങീ സാമൂഹ്യ സാംസ്‌കാരിക വ്യാപാര രംഗത്തെ പ്രമുഖ വ്യക്തിത്വങ്ങള്‍ ചടങ്ങില്‍ സംബന്ധിച്ചു.
ജീവകാരുണ്യ പ്രവര്‍ത്തനം ലക്ഷ്യം വെച്ചുകൊണ്ട് വാഴക്കാട് പഞ്ചായത്തിലെ ഖത്തറിലുള്ള പ്രവാസികളുടെ സാംസ്‌കാരിക കൂട്ടായ്മയാണ് വാഖ്്. ഫുട്ബാളില്‍ നിന്നു ലഭ്യമാകുന്ന വരുമാനം കൊണ്ട് വാഴക്കാട് മെഡിക്കല്‍ഷോപ്പ് തുടങ്ങുകയും ഈ മാസം അവസാനത്തില്‍ ഡയാലിസിസ് സെന്റര്‍ പ്രവര്‍ത്തനസജ്ജമാകുകയും ചെയ്യും . വാഖ് പ്രസിഡന്റ് അബ്ദുല്‍സത്താര്‍, ജന.സെക്രട്ടറി കെ.കെ. സിദ്ദീഖ്, വൈ.പ്രസിഡന്റ് ടി.പി. അക്്ബര്‍, സെക്രട്ടറി ടി.പി. അശ്‌റഫ്,ടൂര്‍ണ്ണമെന്റ് കമ്മിറ്റി ചെയര്‍മാന്‍ സിദ്ദീഖ് വട്ടപ്പാറ, ജന.കണ്‍വീനര്‍ സുഹൈല്‍ കൊന്നക്കോട്, അബ്ദുറഹ്്മാന്‍ കാളൂര്‍,,ജമാലുദ്ധീന്‍ ടി കെ ചടങ്ങുകള്‍ക്ക് നേതൃത്വം നല്‍കി.
വാര്‍ത്ത അയച്ചത്: അഹമ്മദ് പാതിരിപ്പറ്റ
from kerala news edited
via IFTTT
