കേരള ആര്‍.ടി.സി.: ഒരു മാസം മുമ്പേ റിസര്‍വ് ചെയ്യാം
Posted on: 12 Feb 2015
ബെംഗളൂരു: കേരള സംസ്ഥാന റോഡ് ട്രാന്‍സ്‌പോര്‍ട്ട് കോര്‍പ്പറേഷന്റെ ബസ്സുകളിലെ ടിക്കറ്റ് 30 ദിവസം മുമ്പേ റിസര്‍വ് ചെയ്യാനുള്ള സൗകര്യം നിലവില്‍വന്നുവെന്ന് ബെംഗളൂരു സര്‍വീസുകളുടെ ചുമതലയുള്ള ഇന്‍സ്‌പെക്ടര്‍ ടി. ജയരാജ് അറിയിച്ചു.
കര്‍ണാടകത്തിന്റെ ബസ്സുകളില്‍ 30 ദിവസം മുമ്പേ റിസര്‍വ് ചെയ്യാമെങ്കിലും കേരളത്തിന്റെ ബസ്സുകള്‍ക്ക് ഇരുപത്തൊന്ന് ദിവസംമുമ്പേ കഴിഞ്ഞിരുന്നുള്ളൂ. കര്‍ണാടക ബസ്സുകളിലെന്നതുപോലെ കേരള ബസ്സുകളിലും സീറ്റ് ഇനി മുപ്പതുദിവസം മുമ്പ് റിസര്‍വ് ചെയ്യാം.
ഓണ്‍ലൈന്‍ റിസര്‍വേഷന്‍ നടത്തുന്നവര്‍ക്ക് സ്റ്റേറ്റ് ബാങ്ക് അക്കൗണ്ടിലെ പണവും നെറ്റ് ബാങ്കിങ്ങിലൂടെ അടച്ച് ടിക്കറ്റ് റിസര്‍വ് ചെയ്യാം. സ്വകാര്യ ബാങ്കുകളടക്കം പല ബാങ്കുകളുമായി കേരള എസ്.ആര്‍.ടി.സി. നേരത്തെ ഇതിന് ഏര്‍പ്പാടുണ്ടാക്കിയിരുന്നു. എന്നാല്‍, സ്റ്റേറ്റ് ബാങ്ക് ഓഫ് ഇന്ത്യയും എസ്.ബി.ടി. പോലുള്ള ബന്ധപ്പെട്ട ബാങ്കുകളുമായും അതിന് സൗകര്യം ഏര്‍പ്പെടുത്തിയിരുന്നില്ല. ഓണ്‍ലൈന്‍ റിസര്‍വേഷന്‍ നടത്തുന്ന പലര്‍ക്കും ഇത് തടസ്സമായിരുന്നു. ആ പ്രശ്‌നവും ഇപ്പോള്‍ പരിഹരിച്ചിരിക്കുകയാണ്.
from kerala news edited
via IFTTT
