Story Dated: Friday, February 13, 2015 03:06
പനമരം: പനമരം കോഴിഫാം വളവ്‌ അപകട ഭീഷണി ഉയര്‍ത്തുന്നു. പനമരം ടൗണില്‍ നിന്നും 200 മീറ്റര്‍ മാറി പനമരം- നടവയല്‍ റൂട്ടിലാണ്‌ കോഴിഫാം വളവ്‌. പുഴയോട്‌ ചേര്‍ന്ന്‌ കോഴിഫാം വളവില്‍ റോഡരികില്‍ സംരക്ഷണ ഭിത്തി കെട്ടാത്തതും മുന്നറിയിപ്പു ബോര്‍ഡുകള്‍ സ്‌ഥാപിക്കാത്തതുമാണ്‌ അപകടഭീഷണിക്ക്‌ കാരണം. കൊടും വളവായതിനാല്‍ എതിരേ വരുന്ന വാഹനങ്ങള്‍ കാണില്ല. എതിരേ വരുന്ന വാഹനത്തിന്‌ സൈഡ്‌ കൊടുക്കുമ്പോള്‍ വാഹനങ്ങള്‍ പുഴയിലേക്ക്‌ പോകാനുള്ള സാധ്യതയും ഏറെയാണ്‌. കഴിഞ്ഞ ദിവസം ഇവിടെ നിന്നും നിയന്ത്രണം വിട്ട ബസ്‌ പുഴയിലേക്ക്‌ മറിയേണ്ടതായിരുന്നു. ഈ പ്രദേശത്ത്‌ സംരക്ഷണഭിത്തി നിര്‍മ്മിക്കണമെന്ന്‌ നാട്ടുകാര്‍ നിരവധി തവണ ആവശ്യപ്പെട്ടെങ്കിലും യാതൊരു നടപടിയും ഉണ്ടായിട്ടില്ല.
from kerala news edited
via IFTTT
