Story Dated: Saturday, February 14, 2015 11:21
പാറ്റ്‌ന: വാലന്റൈന്‍ ദിനത്തില്‍ നടത്തുന്ന ഘര്‍വാപസിയിലും ഹിന്ദു ആചാര പ്രകാരമുള്ള വിവാഹത്തിലും ബോളിവുഡ്‌ താരങ്ങളായ ഖാന്‍ ത്രയത്തിന്‌ ഹിന്ദു സംഘടനയുടെ വെല്ലുവിളി. തങ്ങള്‍ നടത്തുന്ന വിവാഹചടങ്ങില്‍ ഹിന്ദു സ്‌ത്രീകളെ ഭാര്യമാരാക്കിയ ഷാരൂഖ്‌ ഖാന്‍, ആമിര്‍ഖാന്‍, സെയ്‌ഫ് അലി ഖാന്‍ എന്നിവര്‍ ഘര്‍വാപസിയുടെ ഭാഗമായി മതം മാറിയ ശേഷം ഹിന്ദു ആചാരം അനുസരിച്ച്‌ പുനര്‍വിവാഹം നടത്തണമെന്നാണ്‌ ആവശ്യം.
പ്രണയദിനത്തില്‍ വിവാഹിതരാകുന്ന വിവിധ മതക്കാരെ ഘര്‍വാപസിയിലൂടെ ഹിന്ദുവാക്കാന്‍ വലിയ നീക്കം നടത്തുന്ന അഖില ഭാരതീയ ഹിന്ദു മഹാസഭയുടേതാണ്‌ വെല്ലുവിളി. ഹിന്ദു സംഘടന വാലന്റൈന്‍ ദിനത്തില്‍ നടത്തുന്ന 'ഘര്‍ വാപസി' ചടങ്ങിലേക്ക്‌ മൂവര്‍ക്കും സംഘടന കത്തയച്ചിരിക്കുകയാണ്‌. വാലന്റൈന്‍ ദിനത്തില്‍ ഹിന്ദു ആചാരപ്രകാരമുള്ള വിവാഹ ചടങ്ങുകള്‍ കൂടി നടത്താനാണ്‌ ആഹ്വാനം. ആമിര്‍ പുതിയ ഭാര്യ കിരണ്‍ റാവുവിനെ സ്‌നേഹിക്കുന്നുണ്ടെങ്കില്‍, സെയ്‌ഫ് കരീനയെ ഇഷ്‌ടപ്പെടുന്നുണ്ടെങ്കില്‍, ഷാരൂഖ്‌ ഗൗരിയെ മാനിക്കുന്നുണ്ടെങ്കില്‍ അവര്‍ നിര്‍ബ്ബന്ധമായും മതം മാറണമെന്ന്‌ സംഘടനയുടെ നേതാക്കള്‍ വ്യക്‌തമാക്കുന്നു.
പ്രേമ ദിവസത്തില്‍ വിവാഹിതരാകുന്ന ക്രിസ്‌തീയ ഇസ്‌ളാമിക കുട്ടികളുടെ മാതാപിതാക്കള്‍ വിവാഹത്തിന്‌ ഒരു മണിക്കൂര്‍ മുമ്പ്‌ മതം മാറണമെന്ന്‌ ഇവര്‍ നിര്‍ദേശിച്ചിട്ടുണ്ട്‌. വിവിധ മതത്തില്‍ പെട്ട എട്ടു പങ്കാളികളെയാണ്‌ സംഘടന നടത്തുന്ന ഘര്‍വാപസിയിലൂടെ മതംമാറ്റി വിവാഹിതരാക്കുന്നത്‌. എന്നാല്‍ 24 വര്‍ഷം മുമ്പ്‌ മതം നോക്കാതെയാണ്‌ ഷാരൂഖ്‌ തന്റെ പ്രണയിനി ഗൗരിയെ വിവാഹം കഴിച്ചത്‌. മനുഷ്യത്വമാണ്‌ ഏറ്റവും വലിയ മതമെന്ന്‌ താരം ഒരു അഭിമുഖത്തില്‍ അടുത്തിടെ പറഞ്ഞിരുന്നു. മക്കള്‍ തങ്ങളുടേത്‌ ഏത്‌ മതമാണെന്ന്‌ ചോദിക്കുമ്പോള്‍ നിങ്ങള്‍ ആദ്യം ഇന്ത്യാക്കാരാണെന്നും മനുഷ്യത്വമാണ്‌ മതമെന്നും പറയുമെന്നും ഷാരൂഖ്‌ വ്യക്‌തമാക്കി.
from kerala news edited
via IFTTT
