Story Dated: Friday, February 13, 2015 06:53
സിനിമയിലായാലും ഇനി ബോംബെ എന്ന പദം പറഞ്ഞാല്‍ പണികിട്ടും. പറയുന്നത്‌ സെന്‍സര്‍ ബോര്‍ഡ്‌ ഓഫ്‌ ഫിലിം സര്‍ട്ടിഫിക്കേഷനാണ്‌. സിനിമയില്‍ ഉപയോഗിച്ചാല്‍ കത്രികയ്‌ക്ക് ഇരയാകുന്ന ഏതാനും ഹിന്ദി, ഇംഗ്‌ളീഷ്‌ വാക്കുകളില്‍ ആണ്‌ ബോംബേയും ഉള്‍പ്പെടുന്നത്‌.
ഒരു പാട്ടില്‍ ഉപയോഗിച്ചിരുന്ന പദം സെന്‍സര്‍ബോര്‍ഡ്‌ ഒഴിവാക്കിയതോടെയാണ്‌ ബോംബേയുമായി ബന്ധപ്പെട്ട വിവാദം പൊട്ടിപ്പുറപ്പെട്ടത്‌. 4/9/96 ല്‍ മഹാരാഷ്‌ട്ര സര്‍ക്കാര്‍ ബോംബേയുടെ പേര്‌ പരിഷ്‌ക്കരിച്ച്‌ മുംബൈ ആക്കി മാറ്റിയിരുന്നു. ഈ പേര്‌ ഉള്‍പ്പെടുത്തിയാല്‍ പരിഗണിക്കാമെന്ന നിലപാടിലാണ്‌ സെന്‍സര്‍ബോര്‍ഡ്‌. ബോംബേ വെല്‍വെറ്റ്‌ എന്ന്‌ സിനിമയ്‌ക്ക് പേരിട്ട്‌ പഹ്ലാജ്‌ നിഹലാനിയും അനുരാഗ്‌ കശ്യപുമാണ്‌ അടുത്തിടെ കുരുക്കിലായത്‌.
അതേസമയം ഒരു കാലഘട്ടത്തിന്റെ കഥ പറയുന്ന ചിത്രത്തില്‍ അക്കാര്യം പറയുമ്പോള്‍ ബോംബേ എന്നല്ലേ ചേര്‍ക്കേണ്ടതെന്ന്‌ അണിയറക്കാര്‍ ചോദിക്കുന്നു. എന്തായാലും ഇതിന്‌ പിന്നാലെ ഉപയോഗിക്കാന്‍ കഴിയാത്ത ഇംഗ്‌ളീഷ്‌ ഹിന്ദി പദങ്ങളുടെ പട്ടിക സെന്‍സര്‍ബോര്‍ഡ്‌ പുറത്തു വിടുകയും ചെയ്‌തു. സ്‌ത്രീകള്‍ക്കെതിരേയുള്ള അക്രമങ്ങളെയും രക്‌തച്ചൊരിച്ചിലിനെയും പ്രോത്സാഹിപ്പിക്കുന്ന തരത്തിലുള്ള വാക്കുകള്‍ പരമാവധി ഒഴിവാക്കാനാണ്‌ നിര്‍ദേശം.
from kerala news edited
via IFTTT
