Story Dated: Friday, February 13, 2015 02:18
കിളിമാനൂര്‍: മടവൂരും പരിസരങ്ങളിലും കഴിഞ്ഞ ഒരുവര്‍ഷമായി നിരവധി മോഷണങ്ങള്‍ നടത്തിവന്ന രണ്ടുപേരെ പള്ളിക്കല്‍ പോലീസ്‌ അറസ്‌റ്റ് ചെയ്‌തു. അറസ്‌റ്റിലായ ഒരാള്‍ 17 കാരനും മറ്റെയാള്‍ യുവാവുമാണ്‌. മടവൂര്‍ കൊച്ചാലുംമൂട്‌ പുല്ലാന്നികോണം കോളനിയില്‍ കുണ്ടറ സുധി എന്നറിയപ്പെടുന്ന സുധി(23)യാണ്‌ സംഭവങ്ങളിലെ പ്രധാന പ്രതി. വീടുകളില്‍ നിന്നും റബര്‍ ഷീറ്റ്‌, ഒട്ടുപാല്‍, കോഴി, ആട്‌, പണമടങ്ങിയ പേഴ്‌സ്, മൊബൈല്‍ഫോണുകള്‍ എന്നിവയാണത്രെ ഇരുവരും ചേര്‍ന്ന്‌ കവര്‍ന്നെടുക്കുന്നത്‌. അറസ്‌റ്റിലായ കുണ്ടറ സുധിയെ ആറ്റിങ്ങല്‍ കോടതിയിലും 17 കാരനെ കുട്ടികളുടെ കോടതിയിലും ഹാജരാക്കി.
from kerala news edited
via IFTTT
