Story Dated: Friday, February 20, 2015 02:19
തിരുവല്ല: പെരിങ്ങരയില്‍ തെരുവുനായ്‌ക്കളുടെ ശല്യം രൂക്ഷമാകുന്നതായി പരാതി.
പെരിങ്ങര ജംഗ്ഷന്, പി.എം.വി.എച്ച്‌.എസ്‌ ഹൈസ്‌കൂള്‍, നാലോന്നില്‍ പടി, കോസ്‌മോസ്‌ ജംഗ്ഷന്, മൂവിടത്തുപടി, പേരൂര്‍ക്കാവ്‌, പുതുക്കുളങ്ങരപ്പടി, കാളക്കടവ്‌ തുടങ്ങി മിക്ക പ്രദേശങ്ങളും ഇവയുടെ വിഹാരകേന്ദ്രമായി.
പ്രഭാത സവാരിക്കിറങ്ങുന്നവര്‍, പുലര്‍ച്ചെ ട്യൂഷന്‌ പോകുന്ന വിദ്യാര്‍ഥികള്‍, ഇരുചക്രവാഹന യാത്രികര്‍ എന്നിവര്‍ക്കെല്ലാം നായകള്‍ വലിയ ഭീഷണിയാണ്‌ ഉയര്‍ത്തുന്നത്‌. പെരിങ്ങര തോപ്പില്‍ പോത്തിരിക്കല്‍ രാജുവിന്റെ ആടിനെ കഴിഞ്ഞ ദിവസം നായ കടിച്ച്‌ പരിക്കേല്‍പ്പിച്ചിരുന്നു.
കോസ്‌മോസ്‌ ജംഗ്ഷന് സമീപം ഇരുചക്ര വാഹനയാത്രിക നായ കുറുകെ ചാടിയതിനെ തുടര്‍ന്ന്‌ അപകടത്തില്‍പ്പെട്ടിരുന്നു. നായശല്യം ഇല്ലാതാക്കുന്നതിന്‌ ആവശ്യമായ നടപടി സ്വീകരിക്കുവാന്‍ അധികൃതര്‍ തയാറാകണമെന്ന്‌ ഗോത്ര സംസ്‌കൃതി സോഷ്യല്‍ സര്‍വീസ്‌ ഓര്‍ഗനൈസേഷന്‍ ആവശ്യപ്പെട്ടു.
from kerala news edited
via IFTTT
