'ഡെല്‍റ്റ'യുടെ ഖേദപ്രകടനം തള്ളിക്കളയുന്നതായി എമിറേറ്റ്സ്
Posted on: 20 Feb 2015
ദുബായ്: ഗള്‍ഫിലെ വിമാനക്കമ്പനികള്‍ക്കെതിരെ നടത്തിയ പരാമര്‍ശത്തില്‍ ഡെല്‍റ്റ എയര്‍ലൈന്‍സ് നടത്തിയ ഖേദപ്രകടനം തള്ളിക്കളയുന്നതായി എമിറേറ്റ്സ് എയര്‍ലൈന്‍. 9/11-ലെ ഭീകരാക്രമണവുമായി ഗള്‍ഫിലെ വിമാനക്കമ്പനികളെ ബന്ധപ്പെടുത്തിക്കൊണ്ട് ഡെല്‍റ്റയുടെ സി.ഇ.ഒ. ആന്‍ഡേഴ്‌സണാണ് പരാമര്‍ശം നടത്തിയിരുന്നത്. പരാമര്‍ശം വിവാദമായതിനെ തുടര്‍ന്നാണ് ആന്‍ഡേഴ്‌സണ്‍ ഖേദപ്രകടനം നടത്തിയത്.
എന്നാല്‍, ഡെല്‍റ്റയുടെ ഖേദപ്രകടനം തള്ളിക്കളയുന്നതായി എമിറേറ്റ്സ് പ്രത്യേകം പ്രസ്താവന ഇറക്കുകയായിരുന്നു. പ്രത്യേക താത്പര്യങ്ങള്‍ ലക്ഷ്യമിട്ട് ബോധപൂര്‍വം നടത്തിയ പ്രസ്താവനയെന്നാണ് പരാമര്‍ശത്തെ എമിറേറ്റ്സ് വിശേഷിപ്പിച്ചത്. അമേരിക്കയിലെ പ്രമുഖ വിമാനക്കമ്പനിയുടെ സി.ഇ.ഒ. എന്ന നിലയിലുള്ള ആന്റേഴ്‌സണിന്റെ വിശ്വാസ്യതയെത്തന്നെ ചോദ്യം ചെയ്യുന്നതാണ് പ്രസ്താവനയെന്നും വക്താവ് ചൂണ്ടിക്കാട്ടി.
from kerala news edited
via IFTTT
