ഒരു ഉള്‍നാടന്‍ ഗ്രാമത്തിലെ സ്‌കൂളില്‍ എത്തുന്ന വേണു എന്ന അധ്യാപകനായി വേഷമിടുകയാണ് സുധീഷ്. കഷണ്ടികയറിയ തലയും താടിയുമുള്ള വേണു അവിടെ കാണുന്നത് നിത്യരോഗികളായ ഗ്രാമീണരെയും പകര്‍ച്ചവ്യാധികളുടെ ഊരാക്കുടുക്കില്‍പ്പെട്ട വിദ്യാര്‍ഥികളെയുമാണ്.ഇതിനു പിന്നില്‍ എന്തെന്ന് ചികയാന്‍ വേണു പ്രേരിതനാകുന്നു. വേണുവിന്റെ ഭാര്യ ആനിയായി വേഷമിടുന്നത് അഞ്ജു അരവിന്ദാണ്.
മാകുന്ദം ഫിലിംസ് പ്രൈവറ്റ് ലിമിറ്റഡിന്റെ ബാനറില്‍ ശങ്കരനാരായണന്‍ നിര്‍മിച്ച് സജീവന്‍ കടന്നപ്പള്ളി സംവിധാനം ചെയ്യുന്ന അതിജീവനത്തിന് നിരവധി സീരിയലുകള്‍ക്ക് തിരക്കഥയെഴുതിയ ചന്ദ്രന്‍ രാമന്തളി തിരക്കഥയും സംഭാഷണവും എഴുതുന്നു.
മോഹന്‍ കുപ്ലേരി, ശ്രീജിത്ത് പലേരി എന്നിവരുടെ സഹസംവിധായകനായിരുന്നു സജീവന്‍ കടന്നപ്പള്ളി. ഛായാഗ്രഹണം- പ്രേംരാജ്. ഗാനരചന: ബൈജു താങ്കോല്‍. സംഗീതം: കൈതപ്രം വിശ്വനാഥന്‍. വാര്‍ത്ത: ദേവസ്സിക്കുട്ടി.
from kerala news edited
via IFTTT
