Story Dated: Wednesday, April 1, 2015 02:11
മൂവാറ്റുപുഴ: നിയന്ത്രണം വിട്ടു വന്ന ജീപ്പിടിച്ച്‌ വീട്‌ തകര്‍ന്നു. എം.സി. റോഡിന്‌ സമീപത്ത്‌ തൃക്കളത്തൂര്‍ കാവുംപടിയില്‍ രാമകൃഷ്‌ണന്‍ നായരുടെ വീടാണ്‌ തകര്‍ന്നത്‌. ഇന്നലെ ഉച്ചയ്‌ക്ക് 12.30നായിരുന്നു സംഭവം. വീടിനകത്തുണ്ടായിരുന്ന ആളുകള്‍ തലനാരിഴക്കാണ്‌ രക്ഷപ്പെട്ടത്‌. പെരുമ്പാവൂര്‍ നിന്നും കോട്ടയത്തേക്ക്‌ പോകുകയായിരുന്ന ജീപ്പാണ്‌ അപകടത്തില്‍ പെട്ടത്‌. റോഡില്‍ നിന്നും നാലടിയോളം താഴേക്ക്‌ വീണ ജീപ്പ്‌ വീട്ടില്‍ ഇടിച്ച്‌ നില്‍ക്കുകയായിരുന്നു. ഓടു മേഞ്ഞ വീടായതിനാല്‍ ഒരു ഭാഗം തകര്‍ന്നിട്ടുണ്ട്‌. ജീപ്പിലുണ്ടായിരുന്ന ഒരാള്‍ക്ക്‌ ചെറിയ പരുക്കുണ്ട്‌. സമീപത്തുള്ള ട്രാന്‍സ്‌ഫോമറില്‍ ഇടിക്കാതിരുന്നതിനാല്‍ വന്‍ അപകടം ഒഴിവായി.
from kerala news edited
via IFTTT
