Story Dated: Wednesday, April 1, 2015 02:11
മൂവാറ്റുപുഴ: കരിഞ്ചന്തയില്‍ വില്‍പനയ്‌ക്ക് എത്തിച്ച ടാര്‍ പിടികൂടിയ സംഭവത്തില്‍ മൂന്നുപേരെ മൂവാറ്റുപുഴ പോലീസ്‌ അറസ്‌റ്റ് ചെയ്‌തു. വാഹന ഡ്രൈവര്‍ ഈസ്‌റ്റ് മാറാടി ഇലവുങ്കല്‍ രാജു (37), സഹായികളായ തൊടുപുഴ പട്ടാണിക്കുന്ന്‌ കടിക്കന്‍പറമ്പില്‍ നിസാര്‍ (47), മൂവാറ്റുപുഴ പേട്ട കിഴക്കേവട്ടത്ത്‌ പുത്തന്‍പുരയില്‍ അഷ്‌റഫ്‌ (44) എന്നിവരാണ്‌ പിടിയിലായത്‌.
ലക്ഷങ്ങള്‍ വിലമതിക്കുന്ന 350 ബാരല്‍ ടാറാണ്‌ ജില്ലാ പോലീസ്‌ മേധാവിയുടെ നേതൃത്വത്തിലുള്ള സ്‌പെഷ്യല്‍ സ്‌ക്വാഡ്‌ മൂവാറ്റുപുഴ ഉന്നക്കുപ്പയിലുള്ള രഹസ്യ കേന്ദ്രത്തില്‍ നിന്നും നെല്ലാട്‌ കിന്‍ഫ്രാ പാര്‍ക്കിന്‌ സമീപത്ത്‌ നിന്നുമായി പിടികൂടിയത്‌. സംഭവത്തില്‍ കരാറുകാരനും ഗോഡൗണ്‍ ഉടമയുമടക്കം നിരവധി പേര്‍ക്കെതിരെ കേസെടുത്തതായി പോലീസ്‌ പറഞ്ഞു.
കൊച്ചി റിഫൈനറിയില്‍ നിന്നും തൊടുപുഴയിലേക്കും ഇന്‍ഫോ പാര്‍ക്കിലേക്കും പോകേണ്ട ടാങ്കറാണ്‌ സംഘം പിടികൂടിയത്‌. കൂടാതെ ഉന്നക്കുപ്പയില്‍ സൂക്ഷിച്ചിരുന്ന 230 ബാരല്‍ ടാറും പിടികൂടിയിട്ടുണ്ട്‌. മൂവാറ്റുപുഴ മേഖലയില്‍ വന്‍തോതില്‍ ടാര്‍ കടത്തല്‍ നടക്കുന്നുണ്ടെന്ന പരാതിയെ തുടര്‍ന്നാണ്‌ ജില്ലാ പോലീസ്‌ മേധാവിയുടെ നേതൃത്വത്തില്‍ അന്വേഷണം നടത്തിയത്‌.
from kerala news edited
via IFTTT
