Story Dated: Thursday, April 2, 2015 01:10
കോഴിക്കോട്‌: കുണ്ടൂപ്പറമ്പില്‍ ബി.ജെ.പി പ്രവര്‍ത്തകര്‍ക്കും വീട്ടുകാര്‍ക്കും നേരെ പോലീസ്‌ നടത്തുന്ന അക്രമത്തില്‍ ബി.ജെ.പി നോര്‍ത്ത്‌ മണ്ഡലം കമ്മറ്റി പ്രതിഷേധിച്ചു.
മര്‍ദിച്ച പോലീസ്‌ ഉദ്യാഗസ്‌ഥര്‍ക്കെതിരേ നടപടിയെടുക്കണം.അക്രമം നടത്തുന്ന സി.പി.എമ്മുകാരെ നിലയ്‌ക്കുനിര്‍ത്തുന്നതിനു പകരം പോലീസ്‌ ഏകപക്ഷീയമായി ആര്‍.എസ്‌.എസ്‌, ബി.ജെ.പി പ്രവര്‍ത്തകരെ വേട്ടയാടുകയാണ്‌. അസമയത്ത്‌ വീടുകളില്‍ കയറി വീട്ടമ്മമാരെപോലും മര്‍ദ്ദിക്കുന്ന സമീപനമാണ്‌ പോലീസ്‌ കൈക്കൊള്ളുന്നത്‌.അപസ്‌മാര രോഗികളെപോലും പോലീസ്‌ വെറുതെ വിടുന്നില്ല. സി.പി.എം അക്രമത്തില്‍ ജീവനും സ്വത്തിനും സംരക്ഷണം ലഭിക്കാതെ വരുമ്പോഴാണ്‌ മറുഭാഗത്ത്‌ പോലീസ്‌ വേട്ടയും നടക്കുന്നത്‌.
സംഘര്‍ഷം വ്യാപിപ്പിക്കാനും,കാര്‍ഷിക വിളകള്‍ നശിപ്പിക്കാനുമുള്ള നീക്കം സി.പി.എം കണ്ണൂര്‍ മോഡല്‍ ആവര്‍ത്തിക്കാനുള്ള ശ്രമമാണ്‌. പോലീസും ഇതിനനുകൂലമായ നിലപാടെടുത്താല്‍ ഉണ്ടാവുന്ന ഭവിഷ്യത്തുകള്‍ക്ക്‌ അധികൃതര്‍ ഉത്തരം പറയേണ്ടിവരുമെന്ന്‌ നേതാക്കള്‍ മുന്നറിയിപ്പ്‌ നല്‍കി.
from kerala news edited
via IFTTT
