Story Dated: Wednesday, April 1, 2015 02:14
ബാലരാമപുരം: കടലില്‍ കുളിക്കുന്നതിനിടയില്‍ കുട്ടികള്‍ക്കു കിട്ടിയ അപകടസൂചനാമുന്നറിയിപ്പ്‌ ഉപകരണം (റെഡ്‌ഹാന്റില്‍ ഫ്‌ളാക്‌) പരിഭ്രാന്തി പരത്തി. ഇന്നലെ ഉച്ചയോടെ വിഴിഞ്ഞം കടലില്‍ കുളിച്ചുകൊണ്ടുനില്‍ക്കുമ്പോള്‍ ആണ്‌ കുട്ടികള്‍ക്ക്‌ റെഡ്‌് ഹാന്റില്‍ ഫ്‌ളാക്‌ കിട്ടിയത്‌. അരലിറ്റര്‍ കൊണ്ടുള്ള ടിന്‍ രൂപത്തിലുള്ള നോബ്‌ വലിച്ച്‌ പൊട്ടിച്ചല്‍ ഉള്ളില്‍ നിന്നും ചുവന്ന നിറത്തിലുള്ള പുക അന്തരീക്ഷത്തില്‍ ഉയരും. കുട്ടികള്‍ക്ക്‌ കിട്ടിയ ടിന്നിന്റെ നോബ്‌ പൊട്ടിച്ച്‌ അന്തരീക്ഷത്തില്‍ ചുവപ്പ്‌ പുക ഉയര്‍ന്നതാണ്‌ പരിഭ്രാന്തിപരത്തിയത്‌.
കപ്പല്‍ പോകുമ്പോള്‍ സമീപത്ത്‌ മത്സ്യ ബന്ധന ബോട്ടോ വള്ളങ്ങളോ അകപ്പെട്ടാല്‍ അപകടപ്പെടാതിരിക്കാന്‍ കപ്പല്‍ ജീവനക്കാര്‍ റെഡ്‌ ഹാന്റില്‍ ഫ്‌ളാക്‌ പൊട്ടിച്ച്‌ സിഗ്നല്‍കാണിക്കും. ഈ പുക കണ്ടാല്‍ അറിയാവുന്ന ബോട്ടുകാരായാലും വള്ളക്കാരായാലും മാറിപ്പോവുകയോ അപകടത്തില്‍പ്പെടാതിരിക്കാനോ ശ്രദ്ധിക്കും. അതേ പോലെ കപ്പലിന്‌ അപകടം സംഭവിച്ചാലും ഇത്‌ പൊട്ടിക്കും. രക്ഷാ പ്രവര്‍ത്തനത്തിന്‌ എത്തുന്നതിന്‌ വേണ്ടിയാണ്‌ സാധാരണ ഇതുപയോഗിക്കുന്നത്‌. കപ്പലുകളിലും ഫിഷിംഗ്‌ ബോട്ടുകളിലുമാണ്‌ കോസ്‌റ്റല്‍ കോസ്‌റ്റ്ഗാര്‍ഡും പോലീസും ഇതുപയോഗിക്കാറുള്ളത്‌.
കാലാവധി കഴിഞ്ഞ റെഡ്‌ ഹാന്റില്‍ ഫ്‌ളാക്‌ പോലീസോ കപ്പല്‍ ജീവനക്കാരോ കടലില്‍ ഉപേക്ഷിച്ചതാകാം കുളിക്കുന്നതിനിടെ കുട്ടികള്‍ക്ക്‌ കിട്ടിയതും പരിഭ്രാന്തിക്കിട വരുത്തിയതെന്നുമാണ്‌ നിഗമനം.
from kerala news edited
via IFTTT
