Story Dated: Thursday, April 2, 2015 01:09
തലശ്ശേരി: വിഷു ആഘോഷം ഗംഭീരമാക്കുവാന്‍ പുതുമയാര്‍ന്ന വസ്‌ത്ര വൈവിധ്യങ്ങളുടെ അനുപമ പ്രദര്‍ശനവുമായി ഇന്ത്യയിലെ ഒന്‍പത്‌ സംസ്‌ഥാനങ്ങളില്‍ നിന്നുള്ള വസ്‌ത്ര കരകൗശല പ്രദര്‍ശനവും വില്‍പനയും തലശ്ശേരി ശാരദാ കൃഷ്‌ണയ്ര്‍യ ഓഡിറ്റോറിയത്തില്‍ ആരംഭിച്ചു. കൊച്ചിയിലെ ഗുജറാത്ത്‌ എംപോറിയമാണ്‌ സംഘാടകര്‍.
എക്‌സിബിഷന്‌ വരുന്നവര്‍ക്ക്‌ ഗുജറാത്ത്‌, മദ്ധ്യപ്രദേശ്‌, ഉത്തര്‍പ്രദേശ്‌, രാജസ്‌ഥാന്‍, ബംഗാള്‍, ഒറീസ്സ, ആന്ധ്രാപ്രദേശ്‌, കര്‍ണ്ണാടക, തമിഴ്‌നാട്‌ എന്നീ സംസ്‌ഥാനങ്ങളുടെ വസ്‌ത്ര, കരകൗശല നിര്‍മ്മാണ വൈദഗ്‌ധ്യം നേരില്‍ കാണാം. ഇന്ത്യാ ഗവര്‍ണ്‍മെന്റിന്റെ ഡവലപ്‌മെന്റ്‌ സ്‌കീം പ്രകാരം കൈത്തറി, കരകൗശല കലാകാരന്‍മാരെ സഹായിക്കുന്നതിനാണ്‌ പ്രദര്‍ശനം സംഘടിപ്പിക്കുന്നത്‌. ഇവര്‍ നിര്‍മ്മിച്ച ഉല്‌പന്നങ്ങള്‍ ഇടനിലക്കാരെ ഒഴിവാക്കി നേരിട്ട്‌ നല്‍കി ഇവരുടെ ജീവിത നിലവാരം ഉയര്‍ത്തുകയാണ്‌ ലക്ഷ്യം.
ഇത്രയേറെ സംസ്‌ഥാനങ്ങളിലെ വസ്‌ത്ര കരകൗശല ഉല്‌പന്നങ്ങള്‍ ഒരു കുടക്കീഴില്‍ കാണാവുന്നത്‌ ഗുജറാത്ത്‌ എംപോറി എക്‌സിബിഷനില്‍ മാത്രമാണെന്ന്‌ മാനേജര്‍ കെ. അരുണാചലം പറഞ്ഞു. പ്രദര്‍ശന നഗരിയില്‍ കരകൗശല ഉല്‌പന്നങ്ങളുടെ നിര്‍മ്മാണം ലൈവായി കാണാവുന്നതാണ്‌. ഹാന്റ്‌ലൂം തുണിത്തരങ്ങള്‍ക്ക്‌ 20%, ഹാന്റിക്രാഫ്‌റ്റ് ഉല്‌പന്നങ്ങള്‍ക്ക്‌ 10% സര്‍ക്കാര്‍ റിബേറ്റും ലഭ്യമാണ്‌. 10 രൂപമുതല്‍ 10000 രൂപവരെ വിലമതിക്കുന്ന വസ്‌തുക്കള്‍ അടങ്ങിയ പ്രദര്‍ശനം 15 വരെ രാവിലെ 10 മുതല്‍ വൈകുന്നേരം 8 വരെ ഉണ്ടായിരിക്കും.
from kerala news edited
via IFTTT
