Story Dated: Thursday, April 2, 2015 01:11
വാടാനപ്പള്ളി: ഏപ്രില്‍ ഫൂളാക്കാന്‍ ഇറങ്ങിയവര്‍ കടയുടെ താഴില്‍ പശതേച്ച്‌ കച്ചവടക്കാരനെ വട്ടംകറക്കി. തൃത്തല്ലൂര്‍ വാവ സ്‌റ്റോഴ്‌സിന്റെ ഷട്ടറിലെ താഴിനാണ്‌ ഒട്ടിച്ചാല്‍ വിട്ടുപോരാത്ത പശ പുരട്ടിയത്‌. വിഡ്‌ഢി ദിനത്തില്‍ ഇന്നലെ രാവിലെ കച്ചവടക്കാരന്‍ താക്കോല്‍ ഉപയോഗിച്ച്‌ താഴു തുറക്കാന്‍ ശ്രമിച്ചപ്പോഴാണ്‌ സൂപ്പര്‍ ഗ്ലൂ പോലുള്ള പശ ഒഴിച്ചു പിടിപ്പിച്ച നിലയില്‍ കണ്ടെത്തിയത്‌. മുന്‍ വര്‍ഷങ്ങളിലും ഏപ്രില്‍ഫൂള്‍ ദിനത്തില്‍ തൃത്തല്ലൂരില്‍ സമാന സംഭവങ്ങള്‍ നടന്നിട്ടുണ്ട്‌. കടയുടമ വാടാനപ്പള്ളി പോലീസില്‍ പരാതി നല്‍കി. താഴു തകര്‍ത്താണ്‌ കടതുറന്നത്‌.
from kerala news edited
via IFTTT
