എത്യോപ്യയില്‍ കെട്ടിടത്തിന് മുകളില്‍നിന്ന് വീണ് മലയാളി യുവാവ് മരിച്ചു
Posted on: 07 Dec 2014
ചെങ്ങന്നൂര്‍: എത്യോപ്യയില്‍ പണി നടന്നുകൊണ്ടിരുന്ന കെട്ടിടത്തിന്റെ മുകളില്‍നിന്നു വീണ് മലയാളി യുവാവ് മരിച്ചു. മുണ്ടങ്കാവ് കോടിയാട്ടുകര കൊച്ചുകൈപ്പകത്തില്‍ നരേന്ദ്രന്റെ( അനിയന്‍) മകന്‍ മഹേഷ് (26) ആണ് മരിച്ചത്.മുപ്പത് മീറ്ററോളം ഉയരമുള്ള കെട്ടിടത്തിന്റെ മുകളില്‍ ടാങ്കിന്റെ വെല്‍ഡിങ് ജോലിയിലായിരുന്നു മഹേഷ്. താഴെയിറങ്ങി ഭക്ഷണം കഴിച്ചശേഷം മുകളിലേക്ക് കയറുന്നതിനിടെ കോവേണിയിവില്‍നിന്ന് വഴുതി വീഴുകയായിരുന്നുവെന്നാണ് നാട്ടില്‍ കിട്ടിയ വിവരം.
ആറുമാസം മുമ്പാണ് മഹേഷ് നാട്ടില്‍ വന്ന് മടങ്ങിയത്. അമ്മ: അടൂര്‍ പെരിങ്ങനാട് തെക്കേതടത്തില്‍ മണിയമ്മ.സഹോദരന്‍: അനീഷ് (അബുദാബി). ഞായറാഴ്ച നാട്ടിലെത്തിക്കുന്ന മൃതദേഹം മൂന്നിന് വീട്ടുവളപ്പില്‍ സംസ്‌കരിക്കും.
from kerala news edited
via IFTTT
