Story Dated: Friday, December 5, 2014 08:06
തിരുവനന്തപുരം: കാസര്‍കോട്‌ ഗവ. മെഡിക്കല്‍കോളജിന്‌ തറക്കല്ലിട്ട്‌ ഒരുവര്‍ഷം പൂര്‍ത്തിയായിട്ടും പ്രവൃത്തി ആരംഭിക്കാത്തതില്‍ പ്രതിഷേധിച്ച്‌ സമരസമിതി സെക്രട്ടേറിയറ്റിന്‌ മുന്നില്‍ കിടപ്പുസമരം തുടങ്ങി. സമരം പ്രമുഖ പത്രപ്രവര്‍ത്തകന്‍ ബി.ആര്‍.പി. ഭാസ്‌ക്കര്‍ ഉദ്‌ഘാടനം ചെയ്‌തു. നബാര്‍ഡിന്റെ പദ്ധതിക്ക്‌ അംഗീകാരം വാങ്ങി ഉത്തരവിറക്കുക, മെഡിക്കല്‍കോളജിന്‌ വേണ്ടി 25 കോടി രൂപയും അനുവദിക്കുക തുടങ്ങിയ ആവശ്യങ്ങള്‍ ഉന്നയിച്ചാണ്‌ കിടപ്പു സമരം.
സമരസമിതി ചെയര്‍മാന്‍ മാഹിന്‍ അദ്ധ്യക്ഷത വഹിച്ചു. ഭാരവാഹികളായ എസ്‌.എന്‍. മയ്യ, പി. രവീന്ദ്രന്‍, പ്ര?ഫ. ശ്രീനാഥ്‌, പച്ചേരി മുഹമ്മദ്‌, റഫീഖ്‌ കേളോട്ട്‌, അബ്‌ദുല്ല ചാലക്കര, എ.എസ്‌. അഹമദ്‌, കെ. അഹമദ്‌ ശരീഫ്‌, മൂസ ബി. ചെര്‍ക്കള, അബ്‌ദുല്‍ ഖാദര്‍ ചട്ടഞ്ചാല്‌, കുഞ്ചാര്‍ മുഹമ്മദ്‌, അഗിലേഷ്‌ നഗുമുകം, പി. മുഹമ്മദ്‌ കുഞ്ഞി, പുരുഷോത്തമന്‍ ഭട്ട്‌ തുടങ്ങിയവര്‍ നേതൃത്വം നല്‍കി.
from kerala news edited
via IFTTT
