പാലാ ജൂബിലിത്തിരുനാള്‍ ഇന്നും നാളെയും; നഗരമൊരുങ്ങി

Story Dated: Sunday, December 7, 2014 12:49

പാലാ: കത്തീഡ്രല്‍, ളാലം പഴയ പള്ളി, ളാലം പുത്തന്‍പള്ളി ഇടവകകളുടെ സംയുക്‌താഭിമുഖ്യത്തില്‍ അമലോത്ഭവമാതാവിന്റെ ജൂബിലിത്തിരുനാള്‍ ടൗണ്‍ കപ്പേളയില്‍ ഇന്നും നാളെയും ആഘോഷിക്കും.

ഇന്ന്‌ രാവിലെ 5.30-ന്‌ വിശുദ്ധ കുര്‍ബാന- ളാലം പള്ളി വികാരി ഫാ. സെബാസ്‌റ്റ്യന്‍ പടിയ്‌ക്കക്കുഴുപ്പില്‍, 11-ന്‌ തിരുസ്വരൂപ പ്രതിഷ്‌ഠ, വൈകുന്നേരം ആറിന്‌ പ്രദക്ഷിണം, ലദീഞ്ഞ്‌- ഫാ. ജോസ്‌ വള്ളോംപുരയിടം, പ്രസംഗം- ഫാ. വിന്‍സെന്റ്‌ മൂങ്ങാമാക്കല്‍, രാത്രി 8.30-ന്‌ ജൂബിലി പന്തലില്‍ ദിവ്യകാരുണ്യ പ്രദക്ഷിണം- മാര്‍ ജേക്കബ്‌ മുരിക്കന്‍, ഒമ്പതിന്‌ കരിമരുന്ന്‌ കലാപ്രകടം. പ്രധാന തിരുനാള്‍ദിനമായ നാളെ രാവിലെ 6.30-ന്‌ സുറിയാനി കുര്‍ബാന, സന്ദേശം- ബിഷപ്‌ മാര്‍ ജോസഫ്‌ കല്ലറങ്ങാട്ട്‌.

എട്ടിന്‌ പാലാ സെന്റ്‌ മേരീസ്‌ ഹയര്‍ സെക്കന്‍ഡറി സ്‌കൂള്‍ വിദ്യാര്‍ത്ഥിനികളുടെ മരിയന്‍ റാലി, 10.30 നു തിരുനാള്‍ കുര്‍ബാന, സന്ദേശം- ബിഷപ്‌ മാര്‍ ജേക്കബ്‌ മുരിക്കന്‍, ഉച്ചയ്‌ക്ക്‌ 12-ന്‌ സി.വൈ.എം.എല്ലിന്റെ ആഭിമുഖ്യത്തില്‍ ടൂവീലര്‍ ഫാന്‍സിഡ്രസ്‌ മത്സരം, 12.30-ന്‌ ജൂബിലിയാഘോഷ കമ്മിറ്റി സംഘടിപ്പിക്കുന്ന ബൈബിള്‍ ടാബ്ലോ മത്സരം, വൈകുന്നേരം 4.30-ന്‌ തിരുനാള്‍ പ്രദക്ഷിണം, സന്ദേശം-ഡോ. സെബാസ്‌റ്റ്യന്‍ കുറ്റിയാനിക്കല്‍. രാത്രി 8.50-ന്‌ പരിശുദ്ധ കുര്‍ബാനയുടെ ആശീര്‍വ്വാദം, സമ്മാനദാനം- മാര്‍ ജോസഫ്‌ കല്ലറങ്ങാട്ട്‌, ഒമ്പതിനു കരിമരുന്ന്‌ കലാപ്രകടനം. ഒമ്പതിനു രാവിലെ 5.30-ന്‌ വിശുദ്ധ കുര്‍ബാന, 11.15-ന്‌ തിരുനാള്‍ സമാപനം.

from kerala news edited

via IFTTT